բանիմաց և հոգատար գիդեր
  • No products in the cart.
TOP
d

Դենդրոպարկ-Սաղմոսավանք-Հովհաննավանք-Լոռի բերդ

Դենդրոայգի (Դենդրոպարկ)-Սաղմոսավանք-Հովհաննավանք-Լոռի բերդ

Տուրի տեւողություն
1 օր


Համառոտ նկարագրություն
Բացահայտում ենք Հայաստանի բնության զարդը՝ բացառիկ Դենդրոպարկը ☘️: Ճանապարհին մեզ են սպասում վեհաշուք վանական համալիրներ՝ Սաղմոսավանքը և Հովհաննավանքը, ինչպես նաև միջնադարյան անառիկ բերդը և տառերի պուրակը:

Տուրեր Հայաստանի ներսում և Արցախում
 
  • Արժեքը ներառում է
    ա) բարձրակարգ և հարմարավետ միկրոավտոբուս` փորձառու վարորդով,
    բ) բանիմաց և հոգատար գիդ-ուղեկցողի ծառայություն,
    գ) այցելություն նշված բոլոր վայրեր,
    դ) հյուրասիրություն՝ մեքենայի մեջ կլինի ջուր և միրգ:

Ուղևորության ծրագիր.

Օր1

Երևանից վաղ առավոտյան կշարժվենք դեպի Արագածոտնի մարզ, մեր հագեցած օրվա էքսկուրսիաները կներառեն.

✔ Տառերի պուրակ. այս գեղեցիկ քարակերտ պուրակը նվիրված է գրերի գյուտի 1600 ամյակին և բացվել է 2005 թ-ին ու հենց առաջին օրից էլ դարձել է զբոսաշրջիկների համար սիրելի վայր: Կանցնենք Բազումի գեղատեսիլ մարգագետիններով, կտեսնենք քառագագաթ Արագածը և կիջնենք անտառաշատ Լոռի:

✔ Հասնելով Ստեփանավան կայցելենք Էդմոն Լեոնովիչի անվան #Սոճուտ Դենդրոայգին կամ Դենդրապարկը, որը ստեղծվել է լեհ նշանավոր անտառագետի կողմից 1931 թ-ին և այժմ ներառում է շուրջ 500 բուսատեսակ՝ կազմելով ամենատարբեր ծառերից ու ծաղիկներից հեքիաթային սիմֆոնիա!

✔ Ցանկության դեպքում կայցելենք Լոռե բերդ (ուղևորները վճարում են տոմսի արժեքը՝ 650 դրամ), որտեղ պահպանվել է Դավիթ Անհողինի կնոջ կամարակապ դամբարանը և իշխանական բաղնիքը, արտաքին սյունաշար հարավային պարիսպը: Լոռվա բարձր լեռներում պատսպարված բերդից հիասքանչ տեսարան է բացվում դեպի շրջակայքի հայրենի բնաշխարհ:

✔ Հետդարձի ճանապարհին կայցելենք Սբ. Սաղմոսավանք համալիրում, որը կառուցվել է Վաչուտյան ընտանիքի պատվերով: Համալիրի գլխավոր եկեղեցին կառուցվել է Մոմիկ ճարտարապետի կողմից 13-րդ դարում և հայտնի է իր տեղաշարժվող գմբեթով:
Սաղմոսավանքի փոխարեն կարող ենք այցելել Մուղնու Սբ. Գևորգ եկեղեցին, որը նույնպես գեղեցիկ և արժեքավոր մշակութային և հոգևոր կոթող է:

✔ Հաջորդ կանգառը՝ Սբ. Հովհաննավանք, որն օծվել է 13-րդ դարում: Կտեսնենք մանր ասեղնագործ որմնաքանդակը՝ իմաստուն և հիմար կույսերի առակի մոտիվով, Հայր Աստծուն ու Ադամին պատկերող խաչքարը, որը եզակի գործ է հայկական խաչքարային արվեստում:

Երեկոյան՝ թարմ օդով և գեղեցիկ տպավորություններով լիցքավորված կվերդառնանք Երևան:)

Չվացուցակ

ՕրՍկիզբԱվարտԳինՍտատուս
19 օգստ. 20209 օգստ. 20206000 AMD
116 օգստ. 202016 օգստ. 20206000 AMD
123 օգստ. 202023 օգստ. 20206000 AMD
130 օգստ. 202030 օգստ. 20206000 AMD
16 սեպտ. 20206 սեպտ. 20206000 AMD
113 սեպտ. 202013 սեպտ. 20206000 AMD
120 սեպտ. 202020 սեպտ. 20206000 AMD
127 սեպտ. 202027 սեպտ. 20206000 AMD

Տուրի երթուղի


Մեծացնել տուրի քարտեզը


Բոլոր իրավունքները պահպանված են: © 2008-2020 “Նարեկավանք Տուր” ("Էն-Վի Տուր" ՍՊԸ):
Վեբ կայքի ամբողջ բովանդակությունը` այդ թվում ապրանքային նշանը, դիզայնը, տեքստը, գրաֆիկական պատկերները, լուսանկարները և այլն, “Նարեկավանք Տուր” հեղինակային իրավունքն են:
Բովանդակության որևէ մաս չի կարող վերարտադրվել որևէ կերպ և որևէ միջոցով` էլեկտրոնային կամ այլ, առանց “Նարեկավանք Տուր”-ի նախնական գրավոր թույլտվության: