Երուսաղեմ. քաղաքի տեսարան, Հարության տաճար (Տիրոջ Գերեզմանի տաճար), Սիոն լեռ, Գողգոթա` Քրիստոսի խաչելության վայր, Համբարձման լեռ` Քրիստոսը հարությունից 40 օր հետո համբարձվել է այս լեռան վրայից, Սուրբ Աստվածածնի Վերափոխման եկեղեցի (Աստվածամոր գերեզման), Գեթսեմանի այգի (ուր Քրիստոսն աղոթել է մատնությունից առաջ), Ազգերի եկեղեցի, Սուրբ Գրիգոր Լուսավորիչ եկեղեցի (Գրիգոր Լուսավորիչը այստեղ 7 տարի ճգնել է, որից հետո նոր մտել Քրիստոսի գերեզման), Հանդերձից բաժանման մատուռ, Հռոմեական շրջանի Երուսաղեմի փողոց, հրեական թաղամաս, սինագոգ, Լացի պատ, այստեղ կառուցված է եղել Դավթի մեծ տաճարը, որից ներկայում մնացել է միայն արեւմտյան պատը, որն էլ կոչվում է Լացի պատ, իսկ տաճարի տեղում կանգնած է մահմեդականների սրբություն Ալ Աքսա մզկիթը:

Բեթղեհեմ. Սուրբ Ծննդյան տաճար, ուր քարայրում ծնվել է Քրիստոսը։ Քարայրի վրա կառուցված է Սուրբ Ծննդյան տաճարը։ Սուրբ Ծննդյան տաճարի հայկական հատված, Սուրբ Հակոբ եկեղեցի: Կաթի քարայր, այստեղ Աստվածածինը կաթ է տվել Քրիստոսին, կաթի կաթիլ է ընկել գետնին եւ քարայրը սպիտակել ու սկսել է բերրիություն ու հաջողություն տալ կանանց։ Շրջայց Բեթղեհեմում։

Գալիլեա, Նազարեթ և Հորդանան գետ. Աստվածամոր Ավետման եկեղեցի, այստեղ է գտնվում Աստվածամոր տունը, որի վրա կառուցված է շքեղ կաթոլիկ եկեղեցի, Սուրբ Հովսեփ եկեղեցի, այստեղ է գտնվել Հայր Հովսեփի տունը, Թաբղայի հացի ու ձկան բազմացման եկեղեցի, որ նվիրված է Քրիստոսի հրաշքին, որի ըթնացքում 2 ձուկն ու 5 հացն այնքան բազմացրեց, որ դրանով 5000 մարդ կերակրվեց, Սուրբ Պետրոսի եկեղեցի, Գալիլեայի լիճ, այս լճում Քրիստոսը հանդարտեցրել է ալեկոծությունն ու քայլեր ջրի վրայով։ Հորդանան գետ, ուր Հովհաննես Մկրտիչը մկրտել է Հիսուս Քրիստոսին։ Շրջայց սրբավայրերով։

Հայկական Երուսաղեմ. շրջայց Երուսաղեմի կենտրոնում, Երուսաղեմի հայկական թաղամաս, Սուրբ Հակոբյանց առաջնորդանիստ եկեղեցի, որտեղ գտնվում է Սուրբ Հակոբ առաքյալի գլուխն ու Հակոբ տեառնեղբոր մարմինը։ Սուրբ Հրեշտակապետաց եկեղեցի, որը համարվում է Քրիստոսի առաջին բանտը, Փրկչի եկեղեցի` Քրիստոսի երկրորդ բանտը, Հայոց պատրիարքարան, Ժառանգավորաց Վարժարան։

Ուղեւորություն Մեռյալ ծով (լրացուցիչ վճարով ըստ ցանկության), շատերը համարում են, թե աշխարհի ամենաօգտակար ջուրը հենց այս լճում է: Լիճը ծովի մակարդակից 430 մետր ներքեւ է գտնվում` Իսրայելի ու Հորդանանի սահմանագծին։ Բուժական հանգիստ Մեռյալ Ծովում. SPA Կենտրոնի այցելություն. ցեխի վաննաներ, ծծմբա-ջրածնային վաննաներ, լողավազան, հանդերձարաններ, ցնցուղներ: Վերադարձ հյուրանոց: