• Ջվարիի վանք, Մցխեթա, Սվետիցխովելի, Մցխեթայի հին թաղամասեր,
• Մետեխի, Խոջիվանքի պանթեոն, Հավլաբար թաղամաս, հայկական Ս. Էջմիածին, ԾԾմբային բաղնիքներ, Նարիկալա ամրոց, Խաղաղության կամուրջ
• Մարջանիշվիլիի հրապարակ, Դավիթ Աղմաշենեբելիի պողոտա

☀️ Վաղ առվոտյան Երևան-Սևան-Դիլիջան-Իջևան-Նոյեմբերյան-Բագրատաշեն հետաքրքիր ավտոճանապարհով կուղևորվենք Թբիլիսի: Ճանապարհին կարճ դադար կունենանք և կնախաճաշենք կապուտակ Սևանա լճի ափին կամ Իջևանում: Այնուհետև կշարունակենք մեր ճանապարհը մինչև Բագրատաշեն, որտեղ կհատենք հայ-վրացական սահմանը: Վարաստանում մեր առաջին կանգառը կլինի նշանավոր Ջվարիի վանք, որը հիմնադրել է հայտնի Ս. Նինոն (Նունե), այնտեղից գեղեցիկ տեսարան կբացվի դեպի Մցխեթա քաղաք, ինչպես նաև Արագվի և Կուր գետերի միախառնման վայրը: Այնուհետև ուղղություն կվերցնենք դեպի Վրաստանի հոգևոր մայրաքաղաք Մցխեթա, կայցելենք ՅՈՒՆԵՍԿՕ-ի ցանկում գրանցված նշանավոր Սվետիցխովելի Մայր տաճար, ինչպես նաև կշրջենք Մցխեթայի յուրատիպ փողոցներով և կտեսնենք քաղաքի մի շարք պատմական վայրերը: Մցխեթայից ստացած գեղեցիկ տպավորություններով կվերադառնանք Թբիլիսի, կայցելենք 12-րդ դարում հիմնադրված Մետեխի տաճար, որը հանդիսացել է վրաց թագավորների ամրոցը և նստավայրը: Մետեխի տաճարի կամարաշարի ներքո է թաղված նշանավոր Վարդան Մամիկոնյանի դուստր նահատակ Սուրբ Շուշանիկը: Հետո կայցելենք դեռևս 17-րդ դարում հիմնադրված Խոջիվանքի պանթեոն, որը հանդիսանում է հայ նշանավոր գրողների ու հասարակական գործիչների գերեզմանատունը: ⛪️ Այնուհետև կուղևորվենք Թբիլիսիի հնագույն թաղամասերից մեկը՝ հայկական Հավլաբար և կայցելենք տեղի Ս. Էջմիածին եկեղեցի, որը Թբիլիսիում ներկայումս գործող երեք հայկական եկեղեցիներից մեկն է: Թբիլիսիում կտեսնենք Խաղաղության կամուրջը,ծծմբային բաղնիքները, ճոպանուղիով կբարձրանանք Նարիկալա ամրոց, որտեղից մեր աչքի առջև կբացվի երեկոյան Թբիլիսիի գեղեցիկ տեսարանը, օրը կավարտենք հաճելի զբոսանքով՝ կշրջենք քաղաքի կենտորանական փողոցներում՝ Մարջանիշվիլիի հրապարակում և Դավիթ Աղմաշենեբելիի պողոտայում կվայելենք քաղաքի հաճելի մթնոլորտը: Այնուհետև կգնանք հյուրանոց, որը գտնվում է քաղաքի կենտրոնում:

• հայկական Ս. Գևորգ եկեղեցի, Անկախության հրապարակ, Ռուսթավելիի պողոտա
• Կախեթի մարզ, Բոդբե (Բադբիի) վանական համալիր,
• Սիղնաղի քաղաքի գեղեցիկ տներ, Ս. Գրիգոր Լուսավորիչ հայկական եկեղեցի

❤️ Առավոտյան կայցելենք Վիրահայոց թեմի առաջնորդանիստ Ս. գևորգ եկեղեցի, որտեղ կծանոթանանք եկեղեցու հիմնադրման պատմությանը, վիրահայոց թեմի գործունեությանը: Այնուհետև կուղևորվենք Կախեթի մարզ, որը հայտնի է իր գինեգործական հարուստ ավանդույթներով:☘️ Խաղողի այգիների գեղեցիկ տեսարանով, ծառաշատ ճանապարհը մեզ կհասցնի նշանավոր Բոդբե (Բադբիի) վանական համալիր: Հենց այնտեղ է գտնվում քրիստոնեության լուսավորիչ Սուրբ առաքյալ Նունեի մասունքները, ով հայերի համար նույնպես սիրելի սրբուհիներից է: Կշրջենք վանական համալիրի տարածքում, կհիանանք եկեղեցիների յուրահատկությամբ:⛪️ Այնուհետև կշարունակենք մեր ճանապարհը դեպի սիրահարների քաղաք Սիղնաղի: Այն նմանեցնում են իտալական քաղաքների, ուր հիմնական կառույցները թվագրվում են 17-19-րդ դարերով: Քաղաքի պարիսպները Կովկասում ամենաերկարն են՝ մոտ 5 կմ: Կշրջենք քաղաքի հետաքրքիր փողոցներով և կտեսնենք ամուսնության պալատը, որը աշխարհում միակն է, որ աշխատում է 24 ժամ: Քաղաքը իր անմիջական կապն ունի հայերիս հետ, ուստի այնտեղ կբացահատենք հայկական հետքերը,կտեսնենք հայկական Ս. Գրիգոր Լուսավորիչ եկեղեցին, հայնտի նկարիչ Գևորգ Բաշինջաղյանի տունը: ✨ Այս ամենը տեսնելուց հետո Բագրատաշենի անցակետով, Նոյեմբերյան-Դիլիջան-Սևան ավտոճանապարհով երեկոյան կվերադառնանք Երևան՝ մեզ հետ բերելով անմոռանալի հուշերով և տպավորություններով: