• No products in the cart.
TOP
d

Մշակութային տուր Սանկտ Պետերբուրգ (7 օր, հայկական խումբ)

Մշակութային տուր Սանկտ Պետերբուրգ (7 օր, հայկական խումբ)

Տուրի տեւողություն
7 օր/ 6 գիշեր


Համառոտ նկարագրություն
Միասին բացահայտենք մշակութային Սանկտ-Պետեբուրգը հայկական խմբով! հայախոս գիդ-ուղեկցողի հետ միասին: Բացառիկ ծրագիր, որի ընթացքում կտեսնենք աշխարհահռչակ «Էրմիտաժ» թանգարանը, գեղեցիկ շենքերով հայտնի Նևայի պողոտան (Невский проспект), գործող հայկական Սուրբ Կատարինե եկեղեցին, Կազանի Աստվածամոր տաճարը (Казанский собор), Հարության տաճարը (Спас на Крови), ապշեցուցիչ Իսահակի տաճար (Исаакиевский собор), Պետրոպավլովյան ամրոցը (Петропавловский крепость)՝ իր թանգարաններով, «Ռուսական թանգարանը» (Руский музей) և այլ հայտնի ու անհայտ վայրեր:

5 մարտ. 2020 
 Հավաքվում է 
Տուրեր դեպի Երուսաղեմ, Եվրոպա, Կ.Պոլիս-Ստամբուլ 
  • Արժեքը ներառում է
    ա) ավիատոմս
    բ) գիշերակաց 4* հյուրանոցում քաղաքի կենտրոնում (երկու հոգի մեկ սենյակում հաշվարկով)
    գ) պատմամշակութային հաստատությունների մուտքի տոմսեր
    դ) հայկական խումբ և հայ խմբի ղեկավարի ուղեկցություն ամբողջ տուրի ընթացքում
    ե) մեկանգամյա սնունդ` նախաճաշ հյուրանոցում
    զ) ճանապարհային բժշկական ապահովագրություն (travel insurance)
    է) հարմարավետ տրանսպորտ քաղաքում շրջելու համար (անհրաժեշտության դեպքում)
  • Հյուրանոցներ
    Սանկտ Պետերբուրգ/ Աքյան Պետերբուրգ հյուրանոց

Ուղևորության ծրագիր.

Օր1

Ծանոթություն Ս. Պետերբուրգի հայտնի վայրերի հետ

  • Նևայի պողոտա (Невский проспект)
  • Հայկական գործող Սուրբ Կատարինե եկեղեցի
  • Պատմական շենքեր և կամուրջներ
Երևանից կմեկնենք Ս.Պետերբուրգ: Կտեղավորվենք քաղաքի կենտրոնում գտնվող 4* հյուրանոցում: Կախված թռիքչի ժամից՝ այդ օրը կամ հաջորդ օրը հայ զբոսավարի հետ դուրս կգանք ծանոթանալու քաղաքի հետ: Պետերբուրգի հետ մեր ծանոթությունը կսկսենք գլխավոր և ամենագեղեցիկ՝ Նևայի պողոտայից (Невский проспект): Զբոսանքի ընթացքում կտեսնենք մի շարք պատմական շենքեր, որոնք աչք են շլացնում իրենց յուրօրինակ ճարտարապետությամբ: Կանցնենք առևտրով զբաղվող Ելիսեևյան եղբայրների՝ 20-րդ դարասկզբին կառուցված առևտրի շենքի մոտով, որը դարձել է պողոտայի խորհրդանիշներից մեկը: Ապա կանցնենք քաղաքի բազմաթիվ կումուրջներից մեկով (Անիչկովի կամրջով) ու կհայտնվենք շլացնող ՛՛Զինգեր՛՛ ընկերության պատմական շենքի դիմաց: Մշակութային զբոսանքը կշարունակենք դեպի Պետերբուրգի հայկական եկեղեցիներից մեկը` գործող Սուրբ Կատարինե եկեղեցի (18-րդ դար): Ազատ ժամանակ քաղաքում:
Օր2

Այցելություն աշխարհահռչակ «Էրմիտաժ» թանգարան.

  • Պալատական հրապարակ (Дворцовая площадь)
  • «Էրմիտաժ» թանգարան.
  • Ձմեռային պալատ (Зимный дворец)
  • Փոքր Էրմիտաժ
  • Հին Էրմիտաժ
  • Նոր Էրմիտաժ
Այս օրը կսկսենք աշխարհի ամենահայտնի և ամենամեծ թանգարաններից «Էրմիտաժ» այցելությամբ: «Էրմիտաժ»-ն աշխարհում ամենաշատ այցելվող թանագարանների ցանկում է: Ներկայումս թանգարանի հավաքածուն ներառում է մոտ 3 մլն ցուցանմուշ՝ սկսած հնագույն ժամանակներից մինչև մեր օրեր: Թանգարանի «Ձմեռային պալատ» (Зимний Дворец) մասնաշենքում շրջայցի ընթացքում կտեսնենք ինչպես արքայական սենյակներ, այնպես էլ արվեստի գլուխգործոցներ: Երեկոյան ազատ ժամանակ:
Օր3

Պետրոպավլովյան ամրոցում

  • Պետրոպավլովյան ամրոց (Петропавловский крепость), այդ թվում՝
  • Պետրոպավլովյան տաճար (Петропавловский собор)
  • Տրուբեցկովյան բաստիոնի բանտ (Тюрьма трубецкого бастиона)
  • Տիեզերագիտության և հրթիռաշինության թանգարան (Музей космонавтики и ракетной техники)
  • Գիտության և տեխնիկայի թանգարան (Музей науки и техники)
  • Կերամիկական արվեստի թանգարան (Музей архитектурной художественной керамики)
Այսօր միասին կայցելենք Պետրոպավլովյան ամրոց (Петропавловский крепость), որը համարվում է քաղաքի հիմնադրման վայրը: Հենց այստեղ է 1703թ. Պետրոս Մեծը հիմնադրել այսօրվա Ս. Պետերբուրգը: Շրջապատված լինելով Նևա գետի ջրերով՝ ամրոցն իրենից ներկայացնում է կղզու վրա կառուցված թանգարանային համալիր: Շրջայցի ժամանակ կայցելենք Պետրոպավլովյան տաճար (Петропавловский собор), որտեղ թաղված են Ռոմանովների արքայական ընտանիքի անդամները, այդ թվում և Պետրոս 1-ինը: Ապա կայցելենք Տրուբեցկովյան բաստիոնի բանտ (Тюрьма трубецкого бастиона), որտեղ որպես քաղբանտարկյալ բանտարկված են եղել ժամանակի առաջադեմ մտավորականներն ու հեղափոխական առաջնորդները: Ապա ցանկության դեպքում (տոմսերը ներառված են արժեքի մեջ) կշրջենք Տիեզերագիտության և հրթիռաշինության թանգարանում (Музей космонавтики и ракетной техники), Գիտության և տեխնիկայի թանգարանում (Музей науки и техники), Կերամիկական արվեստի թանգարանում (Музей архитектурной художественной керамики), Պետրոպավլովյան ամրոցի պատմության թանգարանում, ինչպես նաև և Ս. Պետերբուրգի պատմության թանագարանում: Ցանկության և հնարավորության դեպքում միասին կքայլենք տեսնելու հարևանությամբ գտնվող «Ավրորա» հածանավը, որը հայտնի է Հոկտեմբերյան սոցիալիստական մեծ հեղափոխությանը իր մասնակցությամբ: Երեկոյան ազատ ժամանակ:
Օր4

Մեկ օր պետերբուրգյան թանգարաններում

  • Հարության տաճարը (Спас на Крови)
  • «Ռուսական թանգարան»
  • Արվեստների հրապարակ
Նախաճաշից հետո կքայլենք դեպի քաղաքի խորհրդանիշներից մեկը՝ հռչակավոր Հարության տաճարը (Спас на Крови), որտեղ կտեսնենք աշխարհի ամենամեծ մոզաիկան կրոնական թեմատիկայով: Միասին կայցելենք «Ռուսական թանգարան» (Руский музей), որտեղ ի թիվս այլ արժեքավոր աշխատանքների, ցուցադրված է նաև հայազգի աշխարհահռչակ ծովանկարիչ Հ. Այվազովսկու «Իններորդ ալիք» կտավը: Թանգարանից հետո կզբոսնենք Արվեստների հրապարակում, որը ներառված է ՅՈՒՆԵՍԿՕ-ի պատմամշակութային արժեքների ցանկում: Հրապարակն իրենից ներկայացնում է մի շարք պատմական շենքների համալիր կառույց (Միխայլովսկու պալատ, Միխայլովսկու թատրոն, Գոլենիշեվ-Կուտուզովի տուն, Երաժշտական կոմեդիայի թատրոն, Ռուսական էթնոգրաֆիական թանգարան և "Եվրոպա" հյուրանոց): Ապա կունենանք ազատ ժամանակ:
Օր5

Քաղաքի խորհրդանիշ տաճարում

  • Կազանի Աստվածամոր տաճար (Казанский собор)
  • Պետորգոֆ (լրացուցիչ վճարով)
Առավոտյան նախաճաշից հետո կգնանք տեսնելու Կազանի Աստվածամոր տաճար (Казанский собор), որը Ս.Պետերբուրգի ճարտարապետական գլուխգործոցներից մեկն է: Ապա կունենանք ազատ ժամանակ, որի ընթացքում ցանկացողները կարող են այցելել նաև Պետորգոֆ (լրացուցիչ վճարով): Ազատ ժամանակ քաղաքում:
Օր6

Քաղաքի ամենամեծ տաճարում

  • Իսահակի տաճար (Исаакиевский собор)
  • Ցարսկոյե սելո (Царское село) (լրացուցիչ վճարով)
Նախաճաշից հետո Նևայի պողոտայով քայլելով կհասնենք ռուսական եկեղեցու կողմից սրբացված Իսահակ Դալմատցու անունը կրող Իսահակի տաճար (Исаакиевский собор): Տաճարը զարմացնում է իր ճարտարապետական ոճով և կառուցման վարպետությամբ: Ապա կունենանք ազատ ժամանակ,որը կարող ենք անցկացնել հեքիաթային միջավայրում՝ այցելելով հարևանությամբ գտնվող "Հսկայի տուն" զվարճանքի վայր-թանգարան (լրացուցիչ վճարով): Կամ կարող ենք ազատ ժամանակը տրամադրել Ցարսկոյե սելո (Царское село) այցելությանը (լրացուցիչ վճարով), որտեղ կարող եք տեսել հանրահայտ Սաթե սենյակը (“Янтарная комната): Երեկոյան ազատ ժամանակ:
Օր7

Հրաժեշտ ենք տալիս հյուսիսային մայրաքաղաքին

  • «Գրանդ մակետ Ռուսաստան» թանգարան
  • Վերադարձ Երևան
Նախաճաշից հետո կախված թռիչքի ժամից կունենանք ազատ ժամանակ, որը կարող ենք տնօրինել ըստ ցանկության: Ապա միասին կայցելենք քաղաքի ծայրամասում գտնվող «Գրանդ մակետ Ռուսաստան» (Гранд макет Россия) թանգարան, որն ապշեցնում է այցելուներին իր յուրօրինակությամբ. թանգարանում ներկայացված են Ռուսաստանի քաղաքների և առանձին տարածարջանների փոքրացված կրկնօրինակները`ամենայն մանրմասնությամբ: Կշարժվենք դեպի օդանավակայան և կվերադառնանք Երևան՝ լի տպավորություններով և դրական էներգիայով:

Չվացուցակ

ՕրՍկիզբԱվարտԳինՍտատուս
75 մարտ. 202011 մարտ. 2020285'000 (ներառյալ ավիատոմսը)Հավաքվում է
721 մարտ. 202027 մարտ. 2020285'000 (ներառյալ ավիատոմսը)
710 ապր. 202016 ապր. 2020290'000 (ներառյալ ավիատոմսը)
725 ապր. 20201 մյս. 2020290'000 (ներառյալ ավիատոմսը)

Տուրի երթուղի


Մեծացնել տուրի քարտեզը


Մեզ հետ ճանապարհորդած մարդկանց կարծիքը

Բոլոր իրավունքները պահպանված են: © 2008-2020 “Նարեկավանք Տուր” ("Էն-Վի Տուր" ՍՊԸ):
Վեբ կայքի ամբողջ բովանդակությունը` այդ թվում ապրանքային նշանը, դիզայնը, տեքստը, գրաֆիկական պատկերները, լուսանկարները և այլն, “Նարեկավանք Տուր” հեղինակային իրավունքն են:
Բովանդակության որևէ մաս չի կարող վերարտադրվել որևէ կերպ և որևէ միջոցով` էլեկտրոնային կամ այլ, առանց “Նարեկավանք Տուր”-ի նախնական գրավոր թույլտվության: