Երևանից ուղևորությունը կսկսենք առավոտյան ժամը 07:00-ին: Արագածոտնի մարզով, Արա և Արագած լեռների գեղեցիկ տեսարաններով ճանապարհը մեզ կհասցնի Հառիճ գյուղ, որտեղ գտնվում է 13-րդ դարի հայկական ճարտարապետական գլուխգոծոցներից մեկն համարվող Հառիճավանքը: Նուրբ զարդաքանդակներով և յուրօրինակ ճարտարապետությամբ այս վանքը իր վերջնական տեսքը ստացել է 1201թ., երբ Զաքարե ու Իվանե Զաքարյան եղբայրների հրամանով կառուցվում է վանքի գլխավոր եկեղեցին: Նուրբ զարդաքանդակներով և յուրօրինակ ճարտարապետությամբ այս վանքը իր վերջնական տեսքը ստացել է 1201թ., երբ Զաքարե ու Իվանե Զաքարյան եղբայրների հրամանով կառուցվում է վանքի գլխավոր եկեղեցին: Եկեղեցու բակում կծանոթանանք կառուցման պատմությանը, կտեսնենք մենավորի խուցը, վերջերս վերանորոգված հոգևոր դպրոցը և կշարունակենք մեր ճանապարհը դեպի վարդագույն տուֆի հայրենիք՝ քաղաք Արթիկ: Այնտեղ կայցելենք դեռևս 6-րդ դարում կառուցված, գեղեցիկ որմնանկարներով նշանավոր Լմբատավանք (Սուրբ Ստեփանոս եկեղեցի), որի խորանի տակ պահվում է Սուրբ Ստեփանոս Նախավկայի մասունքներից մի հատված: Լմբատավանքից գեղեցիկ տեսարան բացվի դեպի Արթիկ քաղաք: Արթիկից կուղևորվենք մեկ այլ խոշոր վանական համալիր՝ Մարմաշենի վանք, որ գտնվում է Ախուրյան գետի ձախ ափին: Վանքը կազմված է երկու շինությունից, գլխավոր՝ Կաթողիկե և կից փոքր եկեղեցիներից։ Գլխավոր եկեղեցին ըստ արձանագրության կառուցել է Վահրամ Պահլավունի հայրենասեր իշխանը 988-1029թթ., երբ դեռ Անին Բագրատունիների ոստանն էր։ Վանքի տարածքը նշանավոր է նաև նրանով, որ այստեղից գտնվել է Արգիշտի Ա-ի սեպագիր արձանագրությունը: Հիացած Մարմաշենի գեղեցկությամբ կուղևորվենք Հայաստանի հայրաքաղաք Գյումրի և կայցելենք.

✔Գյումրիի Սև բերդ,
✔Մայր Հայաստան հուշարձան,
✔ Կումայրի արգելոց-թանգարան,
✔ Կենտրոնական հրապարակ և «Վարդանանք» արձանախումբ,
✔ Գյումրու Սուրբ Նշան եկեղեցի,
✔ Ռիժկովի ճեմափողոց,
✔ Սուրբ Աստվածածին "Յոթ Վերք" եկեղեցի,
✔ Ամենափրկիչ եկեղեցի,
✔ Քաջազնունու նախագծած "Լոդկա" շենքը,
✔ Գյումրվա ամենահին դեղատունն և վարսավիրանոցը: Ցանկության դեպքում կարող ենք այցելել աշխարհահռչակ գյումրեցիների անունների հետ կապված թանգարաններից մեկը.
✔ Հովհաննես Շիրազի,
✔ Ավետիք Իսահակյանի,
✔ Մհեր Մկրտչյանի,
✔ Ասլամազյան քույրերի,
✔ Գյումրիի ճարտարապետության, կենցաղի և ճարատարապետության թանգարան՝ Ձիթողցյանների - Ձիթողցոնց տուն:
Դե իսկ վերջում կվայելենք Գյումրու ավանդական կերակուրներ՝ տեղի սրճարաններից կամ ռեստորաններից մեկում: (ցանկության դեպքում կարող ենք այցելել հայտնի Չերքզի ձոր)
Հագեցած մշակութային տպավորություններով և անտիպ պատկերներով երեկոյան կվերադառնանք Երևան: