Համառոտ նկարագրություն
Արարատ լեռը ❄️ խորհրդանիշն է մարդկության վերածննդի և հպարտությունը հայ ժողովրդի: Հսկայի տեսքը միայն ոգեշնչում է մարդկանց և պայծառ ապագայի հույս ներշնչում, իսկ նրա սուրբ գագաթին ոտք դրածների տպավորությունները հնարավոր չէ նկարագրել բառերով:

Արարատ լեռան վերելքներ Նարեկավանք Տուրն իրականացնում է 2008 թվականից: Ճամփորդեք պատմա-մշակութային տուրերի ոլորտում ամենափորձառու ընկերության հետ: Վստահեք Ձեր հանգիստը ամենակիրթ և հոգատար գիդերին:

! Վերելքի համար անհրաժեշտ պարագաներ.
ա) դահուկային/արշավային ձեռնափայտեր,
բ) սովորական և արշավային/լեռնագնացային կոշիկներ,
գ) մեծ և փոքր ուսապարկ,
դ) տաք քնապարկ (փչովի կամ սպունգի ներքնակի հետ),
ե) արշավային արևային ակնոց,
զ) դահուկային/լեռնագնացային հագուստ, գլխարկներ, ձեռնոցներ,
է) արշավային լուսարձակ,
ը) արևից պահպանվելու կրեմ,
թ) մի քանի կոմպլեկտ ներքնաշոր (գուլպա, շապիկ, անդրավարտիք/կիսատաբատ),
ժ) հեռախոսների, վիդեո- և լուսա-նկարչական սարքերի համար ցանկալի է ունենալ մի քանի կոմպլեկտ լիցքավորող սարքեր` մարտկոցներ, փաուեր բանկ և այլն:

! ԱՆՎՃԱՐ կտրամադրվեն վրաններ և լեռնագնացային ճանկեր/կրամպոններ: (Որոշ դեպքերում, կարող ենք տրամադրել նաև քնապարկերի համար ներքնակներ և ձեռնափայտեր: )