բանիմաց և հոգատար գիդեր
  • No products in the cart.
TOP

Սքանչելի Լոռի. Ախթալա, Հաղպատ, Սանահին, Դսեղ, Ծովեր / Զարնի-Պարնի (1 օր)

Սքանչելի Լոռի. Ախթալա, Դսեղ, Հաղպատ, Սանահին, Զարնի-Պարնի կամ Ծովեր (1 օր)

Տուրի տեւողություն
1 օր


Համառոտ նկարագրություն
Միացե՛ք այս յուրահատուկ և հագեցած տուրին, բացահայտեք Հայաստանի ամենագեղեցիկ անկյուններից՝ Լոռվա հրաշքները: ☘️ Այս սքանչելի աշխարհի հնամենի պատմության և կուսական բնության շունչն զգացեք Ախթալայում, Դսեղում, Հաղպատում, Սանահինում:

Տուրեր Հայաստանի ներսում և Արցախում
 
  • Արժեքը ներառում է
    ա) բարձրակարգ և հարմարավետ միկրոավտոբուս` փորձառու վարորդով,
    բ) բանիմաց և հոգատար պատմաբան-գիդի ուղեկցություն,
    գ) այցելություն նշված վայրեր, ըստ ծրագրի,
    դ) մուտքավճար ենթադրող վայրերում մուտքավճարը ՆԵՐԱՌՎԱԾ ՉԷ:

Ուղևորության ծրագիր.

Օր1

Երևանից դեպի լեռների ու կանաչի մեջ կորած Լոռի.

  • Ախթալայի վանք
  • Դսեղ, Սուրբ Գրիգոր Լուսավորիչ եկեղեցի
  • Թումանյանի տուն-թանգարան (մուտքը վճարովի)
  • Հաղպատ և Սանահին վանական համալիրներ
  • Զարնի-Պարնի (մուտքը վճարովի) կամ Ծովեր լիճ քայլարշավ
Երևանից առավոտյան կշարժվենք դեպի Ամենայն հայոց բանաստեղծ Հովհաննես Թումանյանի ծննդավայր՝ լեռների ու կանաչի մեջ կորած Դսեղ:
✔ Մեր առաջին կանգառը կլինի բանաստեղծի տուն-թանգարանը (մուտքը վճարովի):
✔ Թանգարանում պտտվելուց հետո կշարժվենք հարևանությամբ գտնվող Սուրբ Գրիգոր Լուսավորիչ եկեղեցի, որտեղ որպես հոգևորական ծառայել է Թումանյանի հայրը՝ Տեր Թադևոսը:
✔ Այնուհետև նախատեսված է քայլարշավ՝ կամ Զարնի-Պարնի միջնադարյան քարայրային համալիր (մուտքը վճարովի) կամ կանաչի մեջ կորած Ծովեր լիճ՝ Լոռվա մարգարիտներից մեկը:
✔ Ապա դեպի ՅՈՒՆԵՍԿՕ-ի համաշխարհային ժառանգության օբյեկտ համարվող Հաղպատի վանական համալիր: Վանքի առաջին եկեղեցին՝ Սուրբ Նշանը և միաբանությունը 976թ. հիմնադրել են Աշոտ Գ թագավորը և նրա կին Խոսրովանույշը իրենց որդիների համար: Վանքին կից գործել է նաև հռչակավոր հոգևոր դպրոց: Այստեղ ապրել է հռչակավոր Սայաթ-Նովան:
✔ Վանական համալիրի բոլոր կառույցները տեսնելուց հետո կշարժվենք Դեբեդ գետի աջափնյա բարձրադիր սարավանդի վրա գտնվող Սանահին վանք: 10-րդ դարին թվագրվող վանքում, ըստ ավանդության, դասավանդել է նաև Գրիգոր Մագիստրոս Պահլավունին, նրա անունով էլ վանական համալիրի մաս կազմող Ս. Աստվածածին և Ս. Ամենափրկիչ եկեղեցիների միջև կառուցված սրահը կոչվել է «Մագիստրոսի ճեմարան»:
✔ Սանահինի գեղեցկությամբ տպավորված՝ կշարունակենք ճանապարհորդությունը դեպի անկրկնելի Ախթալա: Ախթալան Հայաստանի քաղկեդոնական վանքերից է, որ կառուցվել է 10-րդ դարում, երբ Հայաստանը Բագրատունիների օրոք Վերածնության շրջան էր ապրում:
Վայելելով Լոռվա թարմ օդը և չքնաղ տեսարանները՝ երեկոյան կվերադառնանք Երևան:

Չվացուցակ

ՕրՍկիզբԱվարտԳինՍտատուս
125 սեպտ. 202125 սեպտ. 20216՛500 դրամ 5՛500 դրամ
126 սեպտ. 202126 սեպտ. 20216՛500 դրամ 5՛500 դրամ
12 հոկտ. 20212 հոկտ. 20216՛500 դրամ 5՛500 դրամ
13 հոկտ. 20213 հոկտ. 20216՛500 դրամ 5՛500 դրամ
19 հոկտ. 20219 հոկտ. 20216՛500 դրամ 5՛500 դրամ
510 հոկտ. 202110 հոկտ. 20216՛500 դրամ 5՛500 դրամ
116 հոկտ. 202116 հոկտ. 20216՛500 դրամ 5՛500 դրամ
117 հոկտ. 202117 հոկտ. 20216՛500 դրամ 5՛500 դրամ
123 հոկտ. 202123 հոկտ. 20216՛500 դրամ 5՛500 դրամ
124 հոկտ. 202124 հոկտ. 20216՛500 դրամ 5՛500 դրամ
130 հոկտ. 202130 հոկտ. 20216՛500 դրամ 5՛500 դրամ
131 հոկտ. 202131 հոկտ. 20216՛500 դրամ 5՛500 դրամ

Տուրի երթուղի


Մեծացնել տուրի քարտեզը


Բոլոր իրավունքները պահպանված են: © 2008-2021 “Նարեկավանք Տուր” ("Էն-Վի Տուր" ՍՊԸ):
Վեբ կայքի ամբողջ բովանդակությունը` այդ թվում ապրանքային նշանը, դիզայնը, տեքստը, գրաֆիկական պատկերները, լուսանկարները և այլն, “Նարեկավանք Տուր” հեղինակային իրավունքն են:
Բովանդակության որևէ մաս չի կարող վերարտադրվել որևէ կերպ և որևէ միջոցով` էլեկտրոնային կամ այլ, առանց “Նարեկավանք Տուր”-ի նախնական գրավոր թույլտվության: