Մեկնում Երևանից, անցում Ջավախքով, Արդահանի մարզ, Արդահանի բերդ, Շավշաթ (Շատբերդ), Քարագյոլ, Բորչկա, Արդվին, Ճորոխ գետ, Տայքի Ճակք գավառ, Արսիանի և Պոնտական լեռներ: Գիշերակաց Հոփայում:

Ուղևորվում ենք դեպի Համշենի անտառապատ լեռներ, ջրվեժներ, քարե կամուրջներ, Այդերի հովիտ, Քաջքարի լեռներ, Զիլքալե բերդ, համշենա հայերի գյուղեր: Ապա Սև ծովի ափով շարունակում ենք ճանապարհը դեպի Տրապիզոն: Գիշերակաց Տրապիզոնում:

Շրջայց Տրապիզոնում, Սուրբ Սոֆիայի տաճար, ապա այցելություն լեռների ու ժայռերի մեջ թաքնված Սումելա հռչակավոր վանք: Պոնտական լեռների միջով հասնում ենք Իսպիր կամ Սպեր, հին բերդ, եկեղեցու ավերակներ: Գիշերակաց Իսպիրում:

Շարունակում ենք գեղեցիկ ճանապարհը Քաջքարի լեռների միջով՝ Ճորոխ գետի հոսանքով դեպի Թորթում, տարածաշրջանի ամենամեծ և բարձր՝ Թորթումի ջրվեժ: Կարմիր Փորակի լեռներով դեպի Բանակի տաճար (կլոր հատակագծով եզակի կառույցներից): Այստեղից շարժվում ենք դեպի թուրք-վրացական սահման, անցնում Ջավախքով, վերադառնում Երևան: