ՔԱՅԼԱՐՇԱՎ տուր՝ Պարզ լիճ, Գոշավանք, Գոշ լիճ + Հաղարծին

07:00 Երևանից մեկնում ենք դեպի գեղատեսիլ Դիլիջան, մեքենայով հասնում ենք սաղարթախիտ անտառներով և լեռներով շրջապատված Պարզ լիճ: Այնուհետև, հիանալով Պարզ լճի բնական գեղեցկության մեջ, կանաչազարդ անտառով սկսում ենք քայլել դեպի Գոշ գյուղ: Ճանապարհն անցնում է խիտ անտառով և կարկաչուն գետակների հունով, 2-3 ժամ քայլելուց հետո հասնում ենք Գոշ գյուղ, որտեղ գտնվում է միջնադարյան Հայաստանի ճարտարապետական գլուխգործոցներից Գոշավանք վանական համալիրը: Մինչև 1 ժամ մնալով Գոշավանքում և ծանոթանալով Գոշավանքի պատմությանն ու ճարտարապետական լուծումներին՝ սկսում ենք քայլել դեպի հրաշագեղ անտառենրի մեջ թաքնված Գոշ լիճ, 1.5-2 ժամ քայլելուց հետո հասնում ենք բնական յուրահատուկ գեղեցկություն ունեցող այս լճակին: Մինչև 1 ժամ հանգստանում և հիանում ենք լճակի գեղեցկությամբ և վերադառնում ենք Գոշավանք, որտեղ մեզ սպասում է մեքենան: Մեքենայով շարժվում ենք դեպի Հաղարծին ⛪️ տեսնում ենք միջնադարյան Հայաստանի ևս մեկ հրաշալի կառույց՝ շրջապատված անզուգական գեղեցկությամբ լեռներով և անտառներով: Մեկ օրում տեսնելով 2 հրաշալի վանական համալիր, 2 բնական և անզուգական գեղեկության լճակներ և վայելելով անտառում քայլելու հաճույքը՝ լիցքավորված դրական էներգիայով վերադառնում ենք Երևան: (Նրանք, ովքեր չեն կարող քայլել, կարող են մեքենայով տեղաշարժվել)