Array +374 10 56 56 49 ,+374 99 56 56 48
բանիմաց և հոգատար գիդեր
  • No products in the cart.
TOP

Արցախի Գոհարներ (2 օր)

Արցախի Գոհարներ տուր (2 օր)

30 ՛ 000 դրամ
(10 FB կարծիք)
 

Տուրի տեւողություն
2 օր, 1 գիշեր


Համառոտ նկարագրություն
Վայելե՛ք Արցախի ամենահայտնի վայրերը մեր հատուկ ուղևորության ընթացքում, այն մի քանի տարի շարունակ մեծ պահանջարկ է վայելում ✨: Ծրագրում են հրաշագեղ Դադիվանք և Գանձասար, Քարվաճառի տաք ջրեր, հռչակավոր "Զոնտիկներ" (Հունոտի կիրճ), Ստեփանակերտ և Շուշի, Թարթառ, Խաչենագետ, ժայռակերտ առյուծ և այլ հրաշք վայրեր: Երթուղին Սևանով և Վարդենիսով՝ կարճ, գեղեցիկ և վերանորոգված ճանապարհով:

 Տուրեր Հայաստանի ներսում և Արցախում
 
  • Արժեքը ներառում է
    ա) գիշերակաց որակյալ հյուրանոցում 3*/4* (երկու հոգի մեկ սենյակում հաշվարկով),
    բ) բարձրորակ և հարմարավետ միկրոավտոբուս` փորձառու վարորդով,
    գ) նախաճաշ,
    դ) արհեստավարժ, հոգատար և բանիմաց պատմաբան գիդի​ ուղեկցություն,
    ե) էքսկուրսիաներ բոլոր նշված վայրերում:
  • Հյուրանոցներ
    Ստեփանակերտ կամ Շուշի

Ուղևորության ծրագիր.

Օր1

Արցախի լեռները, ջրերը, վանքերը ողջունում են Ձեզ.

  • Քարվաճառի լեռներ, Տաք ջրեր ◻️
  • Գանձասարի համալիր, Վանք գյուղ ◻️
  • Երեկոյան Ստեփանակերտ ◻️
Շարժվում ենք վաղ առավոտյան Երևանից դեպի Սևան, Գավառ, Վարդենիս, Սոտք: Ապա անցնում ենք Քարվաճառի գեղեցիկ լեռներով, Թարթառ գետի կիրճով: Կանգառ և հանգիստ Քարվաճառի տաք ջրերի մոտ, ցանկացողները կարող են մտնել և թարմանալ բնական տաք ջրի ավազաններում (ունենալ լողազգեստ, սրբիչ):
Շարունակում ենք ճանապարհը դեպի Արցախի Մեծ Առանք գավառ: Ճանապարհին կանցնենք Մարտակերտի շրջանի Դրմբոն գյուղի և ջրամբարի մոտով: Խաչենագետի հոսանքով կհասնենք Արցախի հրաշալիք Գանձասարի վանք: 13-րդ դարում կառուցված այս վեհաշուք համալիրը հայկական ճարտարապետության գլուխգործոցներից է: Քիչ հեռու Վանք գյուղն է, իր առյուծի ժայռապատկերով:
Շարունակում ենք ճանապարհը դեպի Ստեփանակերտ, ուր կարելի է զգալ Թամանյանի ճարտարեպետության ոգին: Կզբոսնենք քաղաքի կենտրոնում: Գիշերակաց Ստեփանակերտում կամ Շուշիում:ավելի մանրամասն տե՛ս
Օր2

Հայկական Շուշի, աննման "Զոնտիկներ", տպավորիչ Դադիվանք.

  • Շուշիի բերդ, Ղազանչեցոց եկեղեցի և Կանաչ ժամ ◻️
  • Դրախտային Հունոտի կիրճ - Զոնտիկներ ◻️
  • "Տատիկ Պապիկ" հուշարձան ◻️
  • Հրաշալի Դադիվանք ◻️
Շրջայց Շուշիում. բերդ, Արցախի գոհար Ղազանչեցոց Սուրբ Ամենափրկիչ եկեղեցի և "Կանաչ ժամ":
Ապա քայլարշավ դրախտային Հունոտի կիրճով դեպի հանրահռչակ Զոնտիկներ (ոչ անձրևային պայմանների դեպքում): Գեղեցիկ արահետով կքայլենք մեկ ժամ և կհասնենք Արցախի այս հատուկ հրաշքին (ունենան հարմարավետ կոշիկներ):
Զոնտիկներից հետո կուղևորվենք Ստեփանակերտ, ուր կանգ կառնենք Արցախի խորհրդանիշ "Տատիկ Պապիկ" կամ "Մենք ենք մեր լեռները" հուշարձանի մոտ:
Այստեղից պատմական Արցախի Մեծ Կվենք գավառով ուղևորվում ենք դեպի բնության հետ միաձուլված գեղատեսիլ Դադիվանք: Կշրջենք վանական համալիրում, կներկայացնենք պատմությունը, կզգանք նրա կենդանի շունչը: Սա կլինի Արցախում մեր վերջին կանգառը:
Դադիվանքից բռնում ենք վերադարձի ճանապարհը՝ հիացած Արցախ աշխարհի գանձերով, անցնում Սոտքի լեռնանցքով դեպի Վարդենիս, վերադարձ Երևան:ավելի մանրամասն տե՛ս

Չվացուցակ

ՕրՍկիզբԱվարտԳինՍտատուս

Տուրի երթուղի / տեսարժան վայրեր
Մեծացնել տուրի քարտեզը


Այսպես են անցնում մեր տուրերը :)

Դիտեք տուրերի տեսանյութեր

որ նկարել ենք տեսարժան վայրերում Արևմտյան Հայաստանում, Կիլիկիայում, Հայաստանում և Արցախում (Ղարաբաղում), Երուսաղեմում, Իտալիայում, Պրահայում և Վիեննայում:

Մեզ հետ ճանապարհորդած մարդկանց կարծիքը











Բոլոր իրավունքները պահպանված են: © 2008-2023 “Նարեկավանք Տուր” ("Էն-Վի Տուր" ՍՊԸ):
Վեբ կայքի ամբողջ բովանդակությունը` այդ թվում ապրանքային նշանը, դիզայնը, տեքստը, գրաֆիկական պատկերները, լուսանկարները և այլն, “Նարեկավանք Տուր” հեղինակային իրավունքն են:
Բովանդակության որևէ մաս չի կարող վերարտադրվել որևէ կերպ և որևէ միջոցով` էլեկտրոնային կամ այլ, առանց “Նարեկավանք Տուր”-ի նախնական գրավոր թույլտվության: