բանիմաց և հոգատար գիդեր
  • No products in the cart.
TOP

Վրաստան և Ջավախք (4 oր)

Վրաստան և Ջավախք (4 oր)

Տուրի տեւողություն


Համառոտ նկարագրություն
❤️ Այցելե՛ք հիասքանչ Թբիլիսի, սիրո քաղաք Սիղնաղի, Վրաստանի երբեմնի պատմական մայրաքաղաք Մցխեթա: Վայելե՛ք Ջավախքի թարմ և մաքուր օդը, Փարվանայի գեղեցկությունը և բարձր տրամադրությամբ ժամանե՝ք Բորջոմի:
Եկե՛ք միասին համտեսե՛նք հանրահայտ վրացական գինիները և խոհանոցը, ծանոթանանք հայերի մեծ ավանդին այդ քաղաքների կառուցման ու զարգացման գործում, ինչպես նաև վիրահայոց համայնքային կյանքին:

Իրան և Վրաստան տուրեր
 
  • Արժեքը ներառում է
    ա) բարձրակարգ և հարմարավետ միկրոավտոբուս` փորձառու վարորդով,
    բ) գիշերակաց որակյալ հյուրանոցում 3* և 4*(երկու հոգի մեկ սենյակում հաշվարկով)
    գ) նախաճաշ,
    դ) արհեստավարժ, բանիմաց և հոգատար գիդ-ուղեկցողի ծառայություն,
    ե) էքսկուրսիաներ բոլոր նշված վայրերում:
  • Հյուրանոցներ
    Թբիլիսի 3*/4*

Ուղևորության ծրագիր.

Օր1

Դեպի Ջավախք

  • Նինոծմինդա
  • Փարվանա լիճ
  • Ախալքալաք՝ Սուրբ Խաչ եկեղեցի
  • Ախալցիխե
  • Խերթվիսի բերդ
  • Ռաբաթի բերդ
  • Հայկական Սուրբ Նշան եկեղեցի
☀️ Վաղ առավոտյան ուղևորությունը սկսում ենք Երևանից: Մեր ճանապարհը կանցնի Բավրայի անցակետով և կշարունակվի մինչև Ջավախք աշխարհը: Կտեսնենք Նինոծմինդա քաղաքից 22 կիլոմետր հեռավորության վրա գտնվող Փարվանա լիճը,Աբուլ լեռը, Սուրամի բերդը կտեսնենք հրաշագործ Վարձիան, Թմկաբերդը, որի պարիսպներն ու աշտարակները կառուցված էին սրբատաշ քարով ու կրով: Տպավորված բերդի տեսարանով՝ կշարժվենք դեպի Ախալքալաք, ուր հայերի թիվը կազմում է ընդհանուր բնակչության 94%ը: Ախալքալաքում գործում են կրթամշակութային կենտրոններ, երգի և պարային խմբեր, փոքրիկ թատերախմբեր, գրադարաններ, երաժշտական, շախմատի և գեղարվեստի դպրոցներ: ⛪️Կայցելենք Ախալքալաքի Սուրբ Խաչ եկեղեցի, որը կառուցվել է 1856 թվականին: Այնուհետև մեկնում ենք Ախալցիխե, ուր գտնվում է Խերթվիսի բերդը: Այն կառուցված է Կուր և Փարվանա (Թափարվան) գետերի միախառնման վայրում, Ախալքալաքից 19 կմ հյուսիս-արևմուտք։ Խերթվիսի բերդը լավ պահպանված բերդերից է, կառուցված է բարձր ժայռաբլրի վրա։ Այնուհետև այցելություն Ռաբաթի բերդ: 1628 թվականին դարձել է Ախալցխայի փաշայության կենտրոնը: Բերդը վերականգնվել է 2011 թվականին: ✝️ Հետո ուղևորում ենք դեպի հայկական Սուրբ Նշան եկեղեցի: Եկեղեցին կառուցվել է 1850 թ-ին և հանդիսանում է Հայ առաքելական և Վրաց ուղղափառ եկեղեցիների միջև վիճաբանության առարկա, քանի որ մինչև 1988 թվականը եղել է հայկական, իսկ այնուհետև վրացականացվել է: Գիշերակաց Ախալցիխեյի հյուրանոցում:
Օր2

Բորժոմիից դեպի Թբիլիսի

  • Բորժոմի
  • Ռոմանովյան դղյակ
  • Գորի
  • Ստալինի թանգարան (ըստ ցանկության, վճարովի)
  • Մցխեթա
  • Թբիլիսի
Առավոտյան նախաճաշից հետո կշարժվենք դեպի Բորժոմի, որտեղ և գտնվում է Ռոմանովյան դղյակը: Այնուհետև կուղևորվենք դեպի Գորի: Գորին Վրաստանի հնագույն քաղաքներից մեկն է և Ստալինի ծննդավայրը, ում արձանն էլ կանգնեցված է Գորիի կայարանում (Ստալինի թանգարանը նույնպես Գորիում է, ցանկության դեպքում կարող ենք այցելել): Այնուհետև ուղղություն կվերցնենք դեպի Վրաստանի հոգևոր մայրաքաղաք Մցխեթա, որն աչքի է ընկնում իր ճարտարապետական գեղեցկությամբ և հնամյա վանական համալիրներով: Կայցելենք ՅՈՒՆԵՍԿՕ-ի ցանկում գրանցված նշանավոր Սվետիցխովելի Մայր տաճար, որ հիմնադրվել էր այն տեղում, ուր թաղված են եղել Քրիստոսի հանդերձները, ինչպես նաև կշրջենք Մցխեթայի յուրատիպ փողոցներով և կտեսնենք քաղաքի մի շարք պատմական վայրերը: Արդեն երեկոյան կվերադառնանք Թբիլիսի, կտեսնենք Խաղաղության կամուրջը, ծծմբային բաղնիքները, ճոպանուղիով կբարձրանանք Նարիկալա ամրոց, որտեղից մեր աչքի առջև կբացվի երեկոյան Թբիլիսիի գեղեցիկ տեսարանը, այնուհետև կշրջենք քաղաքի կենտորանական փողոցներում՝ Մարջանիշվիլիի հրապարակում և Դավիթ Աղմաշենեբելիի պողոտայում կվայելենք քաղաքի հաճելի մթնոլորտը: Գիշերակաց քաղաքի կենտորում գտնվող հյուրանոցում:
Օր3

Հրաշք Սիղնաղի

  • Կախեթի մարզ
  • Բոդբե (Բադբիի) վանական համալիր
  • Սիղնաղի քաղաքի գեղեցիկ տներ
  • Ս. Գրիգոր Լուսավորիչ հայկական եկեղեցի
  • Հովհ. Թումանյանի թանգարան
  • Սոլոլակ թաղամաս
  • հայկական Ս. Գևորգ եկեղեցի
  • Անկախության հրապարակ
  • Ռուսթավելիի պողոտա
Առավոտյան կուղևորվենք Կախեթի մարզ, որը հայտնի է իր գինեգործական հարուստ ավանդույթներով: Խաղողի այգիների գեղեցիկ տեսարանով, ծառաշատ ճանապարհը մեզ կհասցնի նշանավոր Բոդբե (Բադբիի) վանական համալիր: Հենց այնտեղ է գտնվում քրիստոնեության լուսավորիչ Սուրբ առաքյալ Նունեի մասունքները, ով հայերի համար նույնպես սիրելի սրբուհիներից է: Կշրջենք վանական համալիրի տարածքում, կհիանանք եկեղեցիների յուրահատկությամբ:⛪️ Այնուհետև կշարունակենք մեր ճանապարհը դեպի սիրահարների քաղաք Սիղնաղի: Այն նմանեցնում են իտալական քաղաքների, ուր հիմնական կառույցները թվագրվում են 17-19-րդ դարերով: Քաղաքի պարիսպները Կովկասում ամենաերկարն են՝ մոտ 5 կմ: Կշրջենք քաղաքի հետաքրքիր փողոցներով և կտեսնենք ամուսնության պալատը, որը աշխարհում միակն է, որ աշխատում է 24 ժամ: Քաղաքը իր անմիջական կապն ունի հայերիս հետ, ուստի այնտեղ կբացահատենք հայկական հետքերը,կտեսնենք հայկական Ս. Գրիգոր Լուսավորիչ եկեղեցին, հայնտի նկարիչ Գևորգ Բաշինջաղյանի տունը: ❇️ Հետո կվերադառնանք Թբիլիսի, կայցելենք Ամենայն հայոց բանաստեղծ Հովհ. Թումանյանի թանգարան, կծանոթանանք նրա ծավալած մեծ գործունեությանը և այնուհետև կայցելենք վիրահայոց թեմի առաջնորդանիստ Ս. Գևորգ եկեղեցի, որտեղ հնարավոր է նաև մասնակից դառնալ երեկոյան ժամերգությանը: Այնուհետև մեր երեկոյան զբոսանքը կանցկացնենք Ռուսթավելի պողոտայում:
Օր4

Թբիլիսիի հայկական վայրերը

  • Խոջիվանքի պանթեոն
  • Հավլաբար թաղամաս
  • Հայկական Ս. Էջմիածին
  • Մետեխի
  • Ազատ ժամանակ քաղաքում, հնարավոր է այցելել նաև առևտրի կենտրոն
Վերջին օրը կշարունակենք հայկական հետքերի բացահայտումը Թբիլիսիում: Առավոտյան կայցելենք 12-րդ դարում հիմնադրված Մետեխի տաճար, որը հանդիսացել է վրաց թագավորների ամրոցը և նստավայրը: Մետեխի տաճարի կամարաշարի ներքո է թաղված նշանավոր Վարդան Մամիկոնյանի դուստր նահատակ Սուրբ Շուշանիկը: Հետո կայցելենք դեռևս 17-րդ դարում հիմնադրված Խոջիվանքի պանթեոն, որը հանդիսանում է հայ նշանավոր գրողների ու հասարակական գործիչների գերեզմանատունը: ⛪️ Այնուհետև կուղևորվենք Թբիլիսիի հնագույն թաղամասերից մեկը՝ հայկական Հավլաբար և կայցելենք տեղի Ս. Էջմիածին եկեղեցի, որը Թբիլիսիում ներկայումս գործող երեք հայկական եկեղեցիներից մեկն է: Այնուհետև կունենանք ազատ ժամանակ քաղաքում, կամ կարող ենք այցելել նաև <<Գալերեա>> մոլլ: ✨ Այնուհետև կբռնենք վերադարձի ճանապարհը, անցնելով Բագրատաշենի անցակետը, կրկին Նոյեմբերյան-Դիլիջան-Սևան ավտոճանապարհով՝ ուղևորությունից ստացած վառ ու գեղեցիկ տպավորություններով կվերադառնանք Երևան:

Չվացուցակ

ՕրՍկիզբԱվարտԳինՍտատուս


Բոլոր իրավունքները պահպանված են: © 2008-2021 “Նարեկավանք Տուր” ("Էն-Վի Տուր" ՍՊԸ):
Վեբ կայքի ամբողջ բովանդակությունը` այդ թվում ապրանքային նշանը, դիզայնը, տեքստը, գրաֆիկական պատկերները, լուսանկարները և այլն, “Նարեկավանք Տուր” հեղինակային իրավունքն են:
Բովանդակության որևէ մաս չի կարող վերարտադրվել որևէ կերպ և որևէ միջոցով` էլեկտրոնային կամ այլ, առանց “Նարեկավանք Տուր”-ի նախնական գրավոր թույլտվության: