nvtour@gmail.com +374 10 56 56 49 ,+374 99 56 56 48
բանիմաց և հոգատար գիդեր
  • No products in the cart.
TOP
d

Արցախի Գոհարներ (3 օր)

Արցախի Գոհարներ տուր (3 օր)

29 900 դրամ
(12 FB կարծիք)

Տուրի տեւողություն
3 օր, 2 գիշեր


Համառոտ նկարագրություն
Բացահայտե՛ք հրաշագեղ Արցախ աշխարհն իր գոհարներով ☀️: Վայելեք բնության աննման վայրեր Հունոտի կիրճ (Զոնտիկներ) և Տաք ջրերի ավազաններ, տեսեք Արցախի գեղաշուք լեռներն ու անտառները, աշխարհի ամենատարեց ծառերից՝ Տնջրի ծառը ☘️, այցելեք նշանավոր վանական համալիրներ Դադիվանք, Գանձասար ու Ամարաս, զգացե՛ք Ստեփանակերտ և Շուշի քաղաքների հաճելի մթնոլորտը:

Մոտակա տուր
11 հլս. 2020 
Տուրեր Հայաստանի ներսում և Արցախում
 
  • Արժեքը ներառում է
    ա) գիշերակաց որակյալ հյուրանոցում 3*/4* (երկու հոգի մեկ սենյակում հաշվարկով),
    բ) բարձրորակ և հարմարավետ միկրոավտոբուս` փորձառու վարորդով,
    գ) նախաճաշ,
    դ) արհեստավարժ, հոգատար և բանիմաց պատմաբան գիդի​ ուղեկցություն,
    ե) էքսկուրսիաներ բոլոր նշված վայրերում:
  • Հյուրանոցներ
    Ստեփանակերտ կամ Շուշի

Ուղևորության ծրագիր.

Օր1

Ազատ Արցախը ողջունում է Ձեզ.

  • Սևանա լիճ, Հայրավանք, Վարդենիս ◻️
  • Քարվաճառի լեռներ, Տաք ջրեր, Դադիվանք ◻️
  • <<Տատիկ Պապիկ>> հուշարձան, երեկոյան Ստեփանակերտ ◻️
Առավոտյան Երևանից Սևան-Գավառ-Վարդենիս-Քարվաճառ ճանապարհով կշարժվենք դեպի Արցախ: Ճանապարհին կանգառ կունենանք Սևանա լճի ափին և կայցելենք 4-րդ դարում հիմնադրված Հայրավանք ⛪️:
Ապա կանցնենք Վարդենիսը, Սոտքը, Քարվաճառի անզուգական լեռներով, Թարթառ գետի կիրճով և կհասնենք բուժիչ հանքային ջրերով հարուստ Տաք ջրեր: Ցանկացողները կարող են լողանալ և թարմանալ ավազաններում, անհրաժեշտ է ունենալ լողազգեստ և հարմար հողաթափեր:
Այստեղից կմեկնենք տեսնելու Արցախի գոհարներից՝ Դադիվանքի վանական համալիրը: Պատմական մեծ դեր ունեցած Դադիվանքում է 12-րդ դարում ապրել և իր հայտնի <<Դատաստանագրքի>> վրա աշխատել նշանավոր Մխիթար Գոշը:
Այնուհետև կշարունակենք մեր ճանապարհը դեպի մայրաքաղաք Ստեփանակերտ, քաղաքի մուտքին մեզ կողջունի Արցախի խորհրդանիշը համարվող <<Տատիկ Պապիկ>> ❤️ կամ <<Մենք ենք մեր լեռները>> հուշարձանը: Կանգառ կունենանք հուշարձանի մոտ, որից հետո կուղևորվենք Ստեփանակերտի կենտրոն այստեղ շրջելու համար: Գիշերակաց հյուրանոցում Ստեփանակերտում կամ Շուշիում:ավելի մանրամասն տե՛ս
Օր2

Հերոսական Շուշի, դրախտային Հունոտի կիրճ, յուրօրինակ Ամարաս և ամենահին Տնջրի ծառ.

  • Շուշի, Ս. Ամենափոկիչ Ղազանչեցոց եկեղեցի, Կանաչ ժամ ◻️
  • Քայլարշավ Հունոտի կիրճ (<<Զոնտիկներ>>), Տնջրի ծառ ◻️
  • Ամարասի վանական համալիր, Ստեփանակերտի Ս. Աստվածամոր Հովանու մայր տաճար, երեկոյան Շուշի ◻️
Մեր տուրի երկրորդ օրը կսկսենք Շուշի քաղաքի հետ ծանոթությամբ: Կայցելենք Շուշիի նշանավոր Կանաչ ժամ, կծանոթանանք նրա պատմությանը, որից հետո կուղևորվենք Շուշիի խորհրդանիշ հանդիսացող Սուրբ Ամենափրկիչ Ղազանչեցոց մայր տաճար: Կշրջենք եկեղեցու տարածքում, կլսենք հիմնադրման պատմությունը և կծանոթանանք հերոսական դրվագներին:
Այնուհետև կուղևորվենք դրախտային գեղեցկությամբ Հունոտի կիրճ: Անտառային գեղատեսիլ արահետով կքայլենք մոտ 1 ժամ և կհասնենք Արցախի չկրկնվող հրաշքներից մեկին ☂️ (ոչ անձրևային պայմանների դեպքում), կիրճ իջնել ցանկացողները պետք է ունենան հարմարավետ կոշիկներ, ցանկալի է սպորտային:
<<Զոնտիկների>> ողջ գեղեցկությունը վայելելուց հետո կուղևորվենք Մարտունու վարչական շրջան, և մեր առաջին կանգառը կունենանք Սխտորաշենի հայտնի ☘️ Տնջրի ծառի մոտ: Ապա կայցելենք նշանավոր Ամարասի վանական համալիր: Սբ. Գրիգոր Լուսավորչի հիմնադրած այս վանքում է որ Մեսրոպ Մաշտոցը հիմնել է ամենահին վանական դպրոցը:
Կվերադառնանք Ստեփանակերտ, կայցելենք քաղաքի նորակառույց Սուրբ Աստվածամոր Հովանու մայր տաճար: Որից հետո կուղևորվենք հյուրանոց (Շուշիում մնալու պարագայում հնարավոր է երեկոյան զբոսանք քաղաքում):
Օր3

Հրաշակերտ Գանձասար, Տիգրանակերտ ու Մայրաբերդ ամրոցներ,հրաժեշտ Արցախին.

  • Ասկերանի բերդ, Ակնա (Ադղամ), Տիգրանակերտի ամրոց ◻️
  • Գանձասարի վանական համալիր, Խաչենագետ ◻️
  • Վանք գյուղ, ժայռակերտ առյուծ ◻️
☀️ Մեր տուրի վերջին օրը սկսենք Ասկերանի Մայրաբերդ այցելությամբ: Դեռևս 18-րդ դարում կառուցված այս բերդ-ամրոցը գրեթե ամբողջությամբ պահպանվել է մինչ օրս: Այնուհետև կուղևորվենք նշանավոր Տիգրանակերտ ամրոց: Ամրոցի տեղում կատարված պեղումների արդյունքում պարզվել է, որ այստեղ է գտնվել Տիգրան Մեծի կառուցած նշանավոր Տիգրանակերտ քաղաքներից մեկը: Բացվել են միջնաբերդի մի հատվածը, պարիսպներ, հայտնաբերվել են վաղքրիստոնեական դամբարանադաշտ և եկեղեցիների հիմքեր:
Այնուհետև Խաչենագետի հոսանքով վեր կշարունակենք մեր ճանապարհը դեպի Գանձասարի վանական համալիր: 13-րդ դարում կառուցված այս վեհաշուք վանքը համարվում է հայկական ճարտարապետության գլուխգործոցներից մեկը: Տեղում կլսենք վանքի պատմությունը և կբացահայտենք հետաքրքիր առեղծվածներ: Արցախ աշխարհում մեր վերջին կանգառը կլինի ժայռակերտ առյուծը Վանք գյուղի մոտ:
❤️ Հիացած Արցախի բնաշխարհի անմոռանալի պատկերներով, ճարտարապետական գոհարներով, յուրօրինակ մթնոլորոտց և ստացած նոր գիտելիքներով երեկոյան կրկին Սոթք-Քարվաճառ ավտոճանապարհով կվերադառնանք Երևան:

Չվացուցակ

ՕրՍկիզբԱվարտԳինՍտատուս
311 հլս. 202013 հլս. 202029'900 AMD
418 հլս. 202020 հլս. 202029'900 AMD
325 հլս. 202027 հլս. 202029'900 AMD
31 օգստ. 20203 օգստ. 202029'900 AMD
38 օգստ. 202010 օգստ. 202029'900 AMD
315 օգստ. 202017 օգստ. 202029'900 AMD
322 օգստ. 202024 օգստ. 202029'900 AMD
329 օգստ. 202031 օգստ. 202029'900 AMD
35 սեպտ. 20207 սեպտ. 202029'900 AMD
312 սեպտ. 202014 սեպտ. 202029'900 AMD
319 սեպտ. 202021 սեպտ. 202029'900 AMD
326 սեպտ. 202028 սեպտ. 202029'900 AMD

Տուրի երթուղի


Մեծացնել տուրի քարտեզը


Այսպես են անցնում մեր տուրերը :)

Դիտեք տուրերի տեսանյութեր

որ նկարել ենք տեսարժան վայրերում Արևմտյան Հայաստանում, Կիլիկիայում, Հայաստանում և Արցախում (Ղարաբաղում), Երուսաղեմում, Իտալիայում, Պրահայում և Վիեննայում:

Մեզ հետ ճանապարհորդած մարդկանց կարծիքը













Բոլոր իրավունքները պահպանված են: © 2008-2020 “Նարեկավանք Տուր” ("Էն-Վի Տուր" ՍՊԸ):
Վեբ կայքի ամբողջ բովանդակությունը` այդ թվում ապրանքային նշանը, դիզայնը, տեքստը, գրաֆիկական պատկերները, լուսանկարները և այլն, “Նարեկավանք Տուր” հեղինակային իրավունքն են:
Բովանդակության որևէ մաս չի կարող վերարտադրվել որևէ կերպ և որևէ միջոցով` էլեկտրոնային կամ այլ, առանց “Նարեկավանք Տուր”-ի նախնական գրավոր թույլտվության: