Առավոտյան կանցնենք քաղաքի աշխույժ կենտրոնով և կայցելենք հին ձեռագրերի գանձարան` աշխարհահռչակ Մատենադարան: Այնուհետև կմեկնենք Երևան քաղաքի ծննդավայր Էրեբունի բերդ, որ հիմնադրվել է 782 թ. մ.թ.ա. Ուրարտուի Արգիշտի թագավորի կողմից Հռոմի հիմնադրումից 29 տարի առաջ: Ապա մեզ սպասում են Երևանից դեպի արևելք տանող ճանապարհի գեղատեսիլ լեռները, ուր գտնվում է Գառնի բերդային համալիրը (1-ին դար): Այստեղ կտեսնենք գերազանց պահպանված միակ հեթանոսական տաճարը Հայաստանում, իսկ այնուհետև` ավելի բարձր լեռներում գտնվող ժայռափոր Գեղարդ վանքը (ՅՈւՆԵՍԿՕ-ի Համաշխարհային ժառանգության օբյեկտ): Վանքում պահվել է այն գեղարդը, որով խոցել էին Քրիստոսի մարմինը խաչի վրա (այժ գեղարդն Էջմիածնում է): Այս օրվա վերջին այցելությունը կլինի հայոց հոգևոր կենտրոն և ՅՈւՆԵՍԿՕ-ի Համաշխարհային ժառանգության օբյեկտ Մայր Աթոռ Սուրբ Էջմիածինը (303 թ.): Մենք կայցելենք տաճարը և նրան կից թանգարանը, ուր պահվում են եզակի կրոնական արժեքներ, հնարավորության դեպքում ներկա կլինենք երեկոյան ժամերգության: Գիշերակաց Երևանում:

Օրն սկսում ենք ուղևորվելով Սևանա լիճ` Հայաստանի մարգարիտը, որն աշխարհի քաղցրահամ ջրերի յուրատեսակ պահոցներից մեկն է` ծովի մակերեսից 2000 մ. բարձրության վրա: Ցանկացողները կարող են լողալ լճի զավացուցիչ ջրերում:
Ապա կհասնենք Դիլիջան քաղաք, ուր կզբոսնենք հին կենտրոնում գտնվող հանրաճանաչ Շարամբեյան արհեստավորների փողոցով:
Դիլիջանից շարունակելով ճանապարհը “Կովկասյան Շվեյցարիայով”` Դիլիջանի արգելոցով` կուղևորվենք Լոռի մարզ: Այստեղ կայցելենք Հաղպատ և Սանահին վանքեր, որոնք ՅՈՒՆԵՍԿՕ-ի Համաշխարհային ժառանգության օբյեկտներ են: Օրը կավարտենք մեկնելով Գյումրի`Հայաստանի մեծությամբ երկրորդ քաղաքը: Կգիշերենք Գյումրիում:

Գյումրին եղել է հայ մշակույթի կենտրոն 19-րդ դարի վերջին և 20-րդ դարի սկզբին: Մենք կշրջենք քաղաքի պատմական կենտրոնում (հին Ալեքսանդրապոլ), որը հայտնի է 19-րդ դարի բազմաթիվ շենքերով: Կայցելենք նաև պատմական շենքում գտնվող թանգարանը:
Այնուհետև կուղևորվենք հարավ: Ճանապարհին կմտնենք առասպելական Խոր Վիրապ` գետնափոր խուց, ուր 13 տարի բանտարկված էր Գրիգոր Լուսավորիչը` Հայաստանը 301 թ. աշխարհի առաջին քրիստոնեական պետություն դարձնելուց առաջ: Այստեղ գտվող մատուռից կվայելենք Արարատ լեռան հիասքանչ տեսարանը: Մեր հաջորդ կանգառը կլինի հռչակավոր Նորավանքը (13-րդ դար), շրջապատված հրաշագեղ կարմիր ժայռերով` երկրի ամենատպավորիչ տեսարաններից մեկը:
Ընթանալով դեպի հարավ` կանցնենք Վայոց ձորի լեռնային ոլորապտույտ ճանապարհով, որի երկու կողմերից վեր են խոյանում գեղատեսիլ ժայռեր, և մուտք կգործենք Զանգեզուր` Սյունիքի մարզ: Գիշերակացը կլինի Գորիս քաղաքում:

Առավոտյան կուղևորվենք Տաթև: Աշխարհի ամենաերկար ճոպանուղի նստելով` կվայելենք շրջակա լեռների և կիրճերի գեղեցիկ տեսարաններ: Ճոպանուղին ձգվում է մոտ 6 կմ Հալիձորից Տաթև գյուղ:
Անցնելով կիրճի մյուս կողմը`կհայտվնենք Հայաստանի ամենակարևոր տեսարժան վայրերից մեկում` Տաթևի վանքում, որը հիմնադրվել է 4-րդ դարում: Մեզ կտպավորեն նրա բերդային պարիսպների, եկեղեցիների, վանական խուցերի, ինչպես նաև շրջապատող բնության գեղեցկությունը:
Տաթևից հետո կայցելենք բացառիկ մի վայր. դա Քարահունջն է (Զորաց Քարը), հայկական “Stonehenge”-ը, որ 5 հազար տարեկան է, մի հնադարյան աստղադիտարան: Մոտ 200 գլաքար դասավորված են այստեղ աստղաբանական կարգով` նրանց մեջ դիտակային անցքերով, որոնց միջով կարելի է տեսնել աստղերը: Որոշ աստղաբանների պնդմամբ այդ քարերը վկայում են նրա մասին, որ Հայաստանը ժամանակի և զոդիակի մասին պատկերացման ծննդավայրն է: Սրանով մեր ծրագիրը կավարտվի, և մենք կվերադառնանք Երևան: Գիշերակաց Երևանում;