Երևանից ուղևորությունը կսկսենք առավոտյան ժամը 07:00-ին: Արագածոտնի մարզով, Արա և Արագած լեռների գեղեցիկ տեսարաններով ճանապարհը մեզ կհասցնի Լոռվա մարզի Սպիտակ քաղաք, իսկ հետո Հարթագյուղ, որտեղից էլ կսկսենք մեր քայլարշավ-վերելքը դեպի Սուրբ Հովհաննես - Ղալթաղչի սրբավայր, որ գտնվում է Փամբակի լեռնաշղթայի գեղատեսիլ բլրի վրա: Մեկ օրում մեր էքսկուրսիան կներառի.

✔ Ղալթաղչի՝ Սուրբ Հովհաննես քայլարշավ,
✔ Հարթագյուղի հին կամուրջ,
✔ Գյումրիի Սև բերդ,
✔ Մայր Հայաստան հուշարձան,
✔ Կումայրի արգելոց-թանգարան,
✔ Կենտրոնական հրապարակ և «Վարդանանք» արձանախումբ,
✔ Գյումրու Սուրբ Նշան եկեղեցի,
✔ Ռիժկովի ճեմափողոց,
✔ Սուրբ Աստվածածին "Յոթ Վերք" եկեղեցի,
✔ Ամենափրկիչ եկեղեցի,
✔ Քաջազնունու նախագծած "Լոդկա" շենքը,
✔ Գյումրվա ամենահին դեղատունն և վարսավիրանոցը:
Ցանկության դեպքում կարող ենք այցելել աշխարհահռչակ գյումրեցիների անունների հետ կապված թանգարաններից մեկը.
✔ Հովհաննես Շիրազի,
✔ Ավետիք Իսահակյանի,
✔ Մհեր Մկրտչյանի,
✔ Ասլամազյան քույրերի,
✔ Գյումրիի ճարտարապետության, կենցաղի և ճարատարապետության թանգարան՝ Ձիթողցյանների - Ձիթողցոնց տուն:

Դե իսկ վերջում կվայելենք Գյումրու ավանդական կերակուրներ՝ տեղի կաֆեներից կամ ռեստորաններից մեկում:
Ղալթաղչի ուխտագնացություն կատարած և Գյումրի քաղաքի մթնոլորտով և պատկերներով տպավորված՝ երեկոյան կվերադառնանք Երևան: