Զվարթնոց օդակայանից հայկական խմբով, հայախոս խմբի ղեկավարի ուղեկցությամբ մեկնում ենք Միլան: Միլանի օդակայանից ճանապարհվում քաղաքի կենտրոն: Էքսկուրսիա ❤️ Միլանում (անվճար), որի ընթացքում կտեսնենք քաղաքի գլխավոր տեսարժան վայրերը (մասամբ կամ ամբողջությամբ).
Շքեղ Դուոմո դի Միլանո - Մայր Տաճար, Վիտտորիո-Էմանուել գալերեա, հռչակավոր Լա Սկալա, Դքսերի պալատ, Սֆորցա ամրոց, նորաձևության աշխարհում հռչակավոր փողոցներ և այլ հրաշալի վայրեր;
Հայկական հետքեր Միլանում. ցանկության դեպքում հնարավոր է այցելել Սբ. Քառասուն մանկանց եկեղեցի (տրանսպորտը՝ վճարովի), որը պատկանում է Մայր Աթոռ Սբ. Էջմիածնին, Միակ Հայ Առաքելական եկեղեցին Իտալիայում: Գիշերակաց հյուրանոցում:

Ազատ ժամանակ / քաղաքից քաղաք մեկնում և կամ լրացուցիչ էքսկուրսիաներ Լոմբարդիա-Վենետո տարածաշրջանում (վճարովի).
այցելություն ամենառոմանտիկ քաղաքներից Վերոնա՝ Ռոմեո եւ Ջուլիետայի քաղաք,
ուղեւորություն գեղատեսիլ Գարդա լիճ և Սիրմիոնե՝ թերակղզի և գողտրիկ քաղաք, ⛱ որոնք հայտնի են գեղեցիկ տեսարաններով և լողափերով
ԿԱՄ այցելություն շքեղ ամառանոցներով պատված հանրահայտ Կոմո լիճ և հրաշագեղ Կոմո քաղաք:
Ցանկացողները կարող են լողալ Գարդա լճի պարզ և մաքուր ջրում (ըստ սեզոնի և ծրագրի) կամ պարզապես զբոսնել և վայելել այս աննման վայրերի ջերմ մթնոլորտը: Հնարավոր է կազմակերպել զբոսանք նավակով:
Վերադարձ, գիշերակաց հյուրանոցում:

⛴ Մեկնում ենք Վենետիկի շրջան ավտոբուսով կամ գնացքով: Հասնում ենք Վենետիկի կենտրոնական հատված նավով (վճարովի), Սուրբ Մարկոսի հրապարակի և շքեղ տաճարի մոտից կսկսենք ճանաչողական զբոսանք գիդի հետ (անվճար). Դոժերի պալատ, Վենետիկի դարպասներ՝ թևավոր առյուծի և վիշապի սյուներ, Վենեցիայի գեղեցիկ նեղ փողոցներ, ջրանցքներ, կամուրջներ՝ այդ թվում հոյակապ Ռիալտո, գողտրիկ հրապարակներ, Մուրանո ապակիներ և հուշանվերներ, աննման տեսարաններ:)
Հայկական հետքեր Վենետիկում. այցելություն հայկական ❤️ Սուրբ Ղազար կղզի, Մխիթարյան միաբանության մայրավանք (անվճար). վանքի բակ, եկեղեցի, հնէաբանական թանգարան, մատենադարան, Այվազովսկու կտավների հավաքածու, տպարան և այլ չտեսնված արժեքներ։ Նաև Վենետիկ քաղաքում՝ Սբ. Խաչ եկեղեցի (դրսից), հայոց թագուհու դամբարան եկեղեցու ներսում:
Օրվա վերջ ազատ ժամանակ կամ լրացուցիչ էքսկուրսիաներ (վճարովի). Դոժերի պալատ, գոնդոլայով պտույտ Վենետիկի ջրանցքներով, նավակով պտույտ Մեծ Կանալով:
Մեկնում Պադովայի կամ Վենետոյի շրջան, գիշերակաց հյուրանոցում:

Մեկնում ենք Վերածննդի բնօրրան Տոսկանա՝ մայրաքաղաք Ֆլորենցիա ❤️: Ճանապարհին հնարավոր է կանգառ անել ավանդական գյուղում և օգտվել տոսկանյան համեղ ուտեստներով ճաշից (վճարովի):
Էքսկուրսիա Ֆլորենցիայում, Իտալական Վերածննդի մայրաքաղաքում պրոֆեսիոնալ գիդի հետ (անվճար): Քաղաքն ամբողջությամբ թանգարան է բաց երկնքի տակ. վայելե՛ք հիանալի Պիացցա դե լա Կրոչե, Պիացցա Սենյորիա, Մայր Տաճար Սանտա Մարիա դել Ֆիորե, Դանթե Ալիգիերիի տուն, Միքելանջելոյի Դավիթ, Պորչելլինոյի վարազ և այլ հրաշք վայրեր: Ազատ ժամանակ կամ լրացուցիչ այցելություն Ֆլորենցիայի տիրակալների պալատ-թանգարաններ՝ Պիտտի կամ Ուֆֆիցի (վճարովի):
Հայկական հետքեր Ֆլորենցիայում (տրանսպորտը՝ վճարովի). Սուրբ Մինասի տաճար և դամբարան:
Հնարավոր է լրացուցիչ էքսկուրսիա Պիզա քաղաք ☄️ պրոֆեսիոնալ գիդի հետ (վճարովի): Պիզան հռչակ է ձեռք բերել իր զարմանալի «թեքված» աշտարակով, բայց այստեղ տեսնելու շատ ավելին կա, քան միայն աշտարակը:
Պիզան ունի յուրօրինակ պատմություն և ճարտարապետություն։ Այն զորեղ ծովային հանրապետություն է եղել, այստեղ է ապրել մեծ գիտնական Գալիլեո Գալիլեոն, այստեղ է ստեղծվել չտեսնված "Հրաշքների հրապարակը" իր զարմանահրաշ մարմարե համալիրով՝ Մայր տաճար, Մկրտարան և Մոնումենտալ գերեզմանատուն։
Պիզան կհմայի այցելուներին իր գեղեցկությամբ, տաղանդի շնչով և ներդաշնակությամբ…
Գիշերակաց հյուրանոցում:

Մեկնում ենք Հռոմ Ապենինների գեղեցիկ լեռնաշղթայի ☘️ երկայնքով: Ճանապարհին հնարավոր է էքսկուրսիա Սիենա սքանչելի քաղաքում (վճարովի):
Սիենայի հին քաղաքը ՅՈՒՆԵՍԿՕ-ի նշանավոր օբյեկտ է, հայտնի է Պալիոյի ավանդական ձիարշավով և միջնադարյան բազմաթիվ գլուխգործոցներով, որոնցից են. Պիացցա դել Կամպո` Սիենայի կենտրոնական հրապարակի համալիր, Սիենայի Մայր տաճար` թերևս ամենաշքեղը Իտալիայում, Ֆորտեցա Մեդիչեայի բաստիոններ, 1000-ամյա գերազանց պահպանված պարիսպ, թանգարաններ և ուղղակի միջնադարյան քաղաքի բացառիկ մթնոլորտ:
Այնուհետև մեկնում Հռոմ։ Տեղավորում հյուրանոցում, գիշերակաց։

Պրոֆեսիոնալ գիդի ուղեկցությամբ ճանաչողական էքսկուրսիա Հռոմում (անվճար). այցելություններ հռչակավոր պատմա-մշակույթային վայրեր ⭐️ հռչակավոր Կոլիզեյ և Ֆորում (առանց մուտքի), Կոստանդիանոսի հաղթակամար, Կայսերական Ֆորումի պողոտա, Պիացցա Վենեցիա, միջնադարյան թաղամաս, Նավոնա, Ռոտոնդա, անհավանական Մեծ Պանթեոն ☀️ և այլն: Ազատ ժամանակ Հռոմում: Ծրագիրը թույլ տալու դեպքում հնարավոր է լրացուցիչ մասնակցել «Գիշերային Հռոմ» կամ «Կայսերական Հռոմ» էքսկուրսիային (վճարովի): Գիշերակաց հյուրանոցում Հռոմում:

Ազատ ժամանակ Հռոմում կամ լրացուցիչ էքսկուրսիա դեպի Նեապոլ քաղաք և Պոմպեի ավերակներ (վճարովի, տևում է գրեթե մեկ ամբողջ օր): Հռոմում մնացածները կարող են ազատ ժամանակ անցկացնել կամ զբոսանել քաղաքում և տեսնել Վիլլա Բորգեզե այգի, Ֆոնտան դի Տրեվի, հայկական Սուրբ Նիկողայոս եկեղեցի ⛪️ և վարժարան, Տիբերինո կղզի, Բոկա դելա Վերիտա: Գիշերակաց Հռոմի հյուրանոցում:

Այցելություն Վատիկան. Լեոնարդո դա Վինչի, Ռաֆայել, Սիքստինյան կապելլա, Սբ. Գրիգոր Լուսավորչի արձան և այլ հրաշքներ (թանգարանի մուտքը և էքսկուրսիան՝ վճարովի) պրոֆեսիոնալ գիդի ուղեկցությամբ, ինչպես նաև ✝️ Սուրբ Պետրոս աննման տաճար և հրապարակ (անվճար): Հնարավորության դեպքում՝ լրացուցիչ էքսկուրսիա Հռոմի հնադարյան Թրասթեվերե թաղամաս (վճարովի): Գիշերակաց հյուրանոցում Հռոմում:

Մեկնում Հռոմի օդանավակայան: Վերադարձ: