s
f
  • No products in the cart.
TOP
d

Արևմտյան Հայաստան, Մալաթիա, Խարբերդ, Արաբկիր, Դերջանի խաչքարեր և Տայք (6 օր)

Արևմտյան Հայաստան, Մալաթիա, Խարբերդ, Արաբկիր, Դերջանի խաչքարեր և Տայք (6 օր)

Տուրի տեւողություն
6 օր, 5 գիշեր


Համառոտ նկարագրություն
Այցելե՛ք Արաբկիր, Մալաթիա, Խարբերդ, Երզնկա, Դերջան (աշխարհի ամենաբարձր 7 մ. խաչքարեր), Թորթում, ի լրումն Անի, Կարս, Վան, Մուշի: Անցե՛ք Արևելյան և Արեմտյան Եփրատի վրայով, Մնձուրի, Պախրի, Թոնդրակի, Տավրոսի լեռներով, նավարկե՛ք Վանա լճով, համտեսե՛ք Վանա տառեխ: Տեսե՛ք Երզնկայի, Թորթումի և Բերկրիի գեղեցիկ ջրվեժները:

4 հոկտ. 2019 
Արեւմտյան Հայաստան
եւ Կիլիկիա 
  • Արժեքը ներառում է
    ա) գիշերակաց որակյալ հյուրանոցում 3* և 4* (երկու հոգի մեկ սենյակում հաշվարկով),
    բ) հարմարավետ տրանսպորտ` ապահովված օդափոխիչով և հարմար թիկնաթոռներով,
    գ) երկու անգամյա սնունդ` նախաճաշ եւ ուշ ճաշ (Վանում՝ Վանա տառեխ),
    դ) պատմամշակութային հաստատությունների մուտքի տոմսեր,
    ե) ճանապարհային բժշկական ապահովագրություն (travel insurance),
    զ) խումբն ուղեկցող թուրքագետ էքսկուրսավարի ծառայություն:
  • Հյուրանոցներ
    Բայազետ / Վան
    Մուշ
    Մալաթիա
    Երզնկա
    Էրզրում

Ուղևորության ծրագիր.

Օր1

Երևանից դեպի հռչակավոր Անի

  • Ջավախք
  • Ծովակ լիճ
  • Մայրաքաղաք Անիի եկեղեցիներ. Մայր տաճար, Տիգրան Հոնենց, Գագիկաշեն, Սբ. Ամենափրկիչ, Առաքելոց; Սմբատաշեն և Աշոտաշեն պարիսպներ եւ այլ կառույցներ
  • Անցում Իգդիրով
  • Բայազետ
Վաղ առավոտյան Երևանից կուղևորվենք դեպի հայ-վրացական սահման: Պատմական Ջավախքով ճանապարհը կշարունակենք դեպի վրաց-թուրքական սահման: Մտնելով Արդահանի մարզ՝ կուղևորվենք Կարսի շրջան՝ ճանապարհին հանգիստ առնելով Հայկական լեռնաշխարհի ամենամեծ լճերից մեկի՝ Ծովակն Հյուսիսոյի ափին: Դադար առնելուց հետո կշարժվենք հազար ու մի եկեղեցիների քաղաք՝ հռչակավոր Անի: Անիում պտույտի ընթացքում կտեսնենք հազարամյակներ կանգուն Մայր տաճար, Տիգրան Հոնենց, Գագիկաշեն, Սբ. Ամենափրկիչ, Առաքելոց, եկեղեցիները, Սմբատաշեն և Աշոտաշեն պարիսպները, քաղաքային այլ կառույցներ: Անիից կուղևորվենք Իգդիր և կհասնենք Բայազետ։ Գիշերակաց հյուրանոցում:մանրամասներ
Օր2

Ճանապարհ, որ ձգվում է Արարատի լանջերից դեպի Վան ու Մուշ

  • Տեսարան դեպի Բիբլիական Արարատ
  • Թոնդրակ լեռ
  • Բերկրիի ջրվեժ
  • Մհերի դուռ
  • Վանի բերդ
  • Վանա կատուների բուծարան
  • Վանա լիճ
  • Արտոս և Սիփան սարերի տեսարան
  • Աղթամար կղզի և Սուրբ Խաչ եկեղեցի
  • Ճաշին՝ վանա տառեխ
Առավոտյան մեր առջև կբացվի տեսարան դեպի հավերժական ձնով պատված, սրբազան Արարատ լեռը: Հրաժեշտ տալով Մասիսին՝ կշարժվենք դեպի Վասպուրական աշխարհ՝ կտրել-անցնելով Ծաղկանց լեռները: Կանցնենք գործող հրաբուխ Թոնդրակ լեռան կողքով և համանուն լեռնանցքով: Հայտնվելով Վասպուրական աշխարհում՝ կայցելենք նախ Բերկրիի ջրվեժ, ապա կհայտնվենք Վանի թագավորության մայրաքաղաք Վանում: Վանում նախ կտեսնենք Սասնա ծռերից հայտնի Ագռավաքար սրբավայրը՝ Մհերի դուռը: Ապա պատմական Խաչփողանց փողոցով կհասնենք Վանի բերդ ու կտեսնենք նաև վանա կատուներին: Բերդը հաղթահարելուց հետո Վանա լճով կնավարկենք դեպի Աղթամար կղզի՝ հռչակավոր Սուրբ Խաչ եկեղեցի՝ ճանապարհին հմայվելով Արտոս և Սիփան վեհաշուք սարերով: Կճաշենք լճի ափին՝ համտեսելով վանա տառեխ։ Շարունակելով ճանապարհը՝ հրաժեշտ կտանք Վասպուրական աշխարհին.մեզ սպասում է Տուրուբերանը. գիշերակաց Մուշում։մանրամասներ
Օր3

Մշո դաշտից Մալաթիա

  • Հին Մուշ
  • Սուրբ Մարինե եկեղեցի
  • Սուլուխի կամուրջ և Արածանի գետ (Արևելյան Եփրատ)
  • Մշո դաշտ
  • Մշո Սուլթան Սուրբ Կարապետ վանք
  • Խարբերդ. Խարբերդի բերդ
  • Մալաթիա.Հրանտ Դինքի թաղամաս և Սուրբ Երրորդություն եկեղեցի Մալաթիայի հռչակավոր քաղցրավենիքի շուկա
Առավոտյան կայցելենք Մուշի հայկական թաղամասերից մեկը՝ Սուրբ Մարինեի թաղը, որտեղ գտնվում է համանուն եկեղեցու ավերակները: Հեռվից կտեսնենք հայկական գերեզմանատունը: Կշարունակենք ճանապարհը դեպի Սուլուխի կամուրջ՝ կառուցված սրբազան Արածանի գետի (Արևելյան Եփրատի) վրա: Մշո դաշտով կշարունակենք ճանապարհը դեպի Մշո Սուլթան Սուրբ Կարապետ վանք: Վանքի տարածքով շրջելուց հետո ճանապարհ կընկնենք դեպի Խարբերդ քաղաք ու բերդ: Խարբերդից հետո մեր կանգառը կլինի պատմական Մալաթիա քաղաքը՝ հայտնի իր ծիրանենիներով: Քաղաքում կայցելենք Հրանտ Դինքի ծննդավայր-թաղամաս և Սուրբ Երրորդություն եկեղեցի, ապա հռչակավոր քաղցրավենիքի շուկա: Գիշերակաց հյուրանոցում:մանրամասներ
Օր4

Ճամփորդություն Փոքր Հայքով

  • Արաբկիր
  • Ակն
  • Հռչակավոր Անի-Կամախ բերդ (կամ Բերդակ և Դերսիմ)
Առավոտյան կուղևորվենք դեպի պատմական Փոքր Հայքի Սեբաստիա նահանգի կենտրոն՝ Արաբկիր քաղաք: Ապա կշարժվենք դեպի Արևմտյան Եփրատի ափին գտնվող Ակն քաղաք: Քաղաքից հետո ճանապարհը մեզ կհասցնի Անի-Կամախի բերդ,ուր գտնվելիս է եղել հեթանոսական աստվածների հայր Արամազդի գլխավոր տաճարը:(Հնարավոր է դրանց փոխարեն այցելություն Բերդակ և պատմական Դերսիմ): Ապա կշարունակենք ճանապարհը դեպի Երզնկա քաղաք:մանրամասներ
Օր5

Հայկական բարձրավանկդակի եռահարկ եզակի ջրվեժն ու աշխարհի ամենաբարձր խաչքարերը մեկ օրում

  • Երզնկայի եռահարկ ջրվեժներ
  • Դերջանի՝ աշխարհի ամենաբարձր 7 մետրանոց հայկական խաչքարեր
  • Ապրանից վանք
  • Էրզրում.Սանասարյան վարժարան, Չիֆթե Մինարե, Էրզրումի բերդ
Առավոտյան կուղևորվենք դեպի Երզնկայի եռահարկ, չկրկնվող ջրվեժներ: Հիանալով տեսարանով՝ կշարունակենք ճանապարհը դեպի Դերջան.միասին կբարձրանանք Ապարանից վանք՝ հասնելով նաև աշխարհի ամենաբարձր զույգ խաչքարերին (12--րդ դար): Կշարունակենք ճանապարհը դեպի պատմական Կարին-Էրզրում. քաղաքի տեսարժան վայրերից կտեսնենք Սանասարյան հայկական վարժարանի շենքը, կրոնական դպրոց Չիֆթե Մինարեն, ինչպես նաև Էրզրումի բերդը: Գիշերակաց հյուրանոցում:մանրամասներ
Օր6

Տայք աշխարհի եզակի եկեղեցիները

  • Թորթոմի ջրվեժ
  • Օշքվանք
  • Բանակ եկեղեցի
  • Արդահան. Արդահանի բերդ
  • Քուր գետ
Առավոտյան կուղևորովենք դեպի Թորթումի ջրվեժ: Ապա կուղևորվենք սրբավայր դարձած Օշքվանք պատմական եկեղեցի (10-րդ դար): Այստեղից կշարժվենք դեպի Բանակի տաճար, որը Հայկական բարձրավանդակի՝ կլոր հատակագիծ ունեցող եզակի եկեղեցիներից մեկն է:Ապա ճանապարհը մեզ կհասցնի Քաջաց բերդ՝ Արդահան: Բերդը տեսնելուց հետո Քուռի ափով կշարժվենք դեպի թուրք-վրացական սահման: Վերադարձ Երևան:մանրամասներ

Չվացուցակ

ՍկիզբԱվարտԳինՍտատուս
4 հոկտ. 20199 հոկտ. 2019189'000 դրամ 130'000 դրամ
18 հոկտ. 201923 հոկտ. 2019189'000 դրամ 130'000 դրամՀավաքվում է
1 նոյ. 20196 նոյ. 2019189'000 դրամ 130'000 դրամՀավաքվում է
15 նոյ. 201920 նոյ. 2019189'000 դրամ 130'000 դրամ
29 նոյ. 20194 դեկտ. 2019189'000 դրամ 130'000 դրամ

Տուրի երթուղի


Մեծացնել տուրի քարտեզը


Այսպես են անցնում մեր տուրերը :)

Դիտեք տուրերի տեսանյութեր

որ նկարել ենք տեսարժան վայրերում Արևմտյան Հայաստանում, Կիլիկիայում, Հայաստանում և Արցախում (Ղարաբաղում), Երուսաղեմում, Իտալիայում, Պրահայում և Վիեննայում:

Մեզ հետ ճանապարհորդած մարդկանց կարծիքը


















Բոլոր իրավունքները պահպանված են: © 2008-2019 “Նարեկավանք Տուր” ("Էն-Վի Տուր" ՍՊԸ):
Վեբ կայքի ամբողջ բովանդակությունը` այդ թվում ապրանքային նշանը, դիզայնը, տեքստը, գրաֆիկական պատկերները, լուսանկարները և այլն, “Նարեկավանք Տուր” հեղինակային իրավունքն են:
Բովանդակության որևէ մաս չի կարող վերարտադրվել որևէ կերպ և որևէ միջոցով` էլեկտրոնային կամ այլ, առանց “Նարեկավանք Տուր”-ի նախնական գրավոր թույլտվության: