s
f
  • No products in the cart.
TOP
d

Ստամբուլ` Պատմական Կոստնադնուպոլիս (7 օր)

Ստամբուլ` Պատմական Կոստնադնուպոլիս (7 օր)

Տուրի տեւողություն
7 օր, 6 գիշեր


Համառոտ նկարագրություն
Պատմության գոհարներ Կ.Պոլիս-ՍՏԱՄԲՈՒԼՈՒՄ, 7 անմոռանալի օր. Սուրբ Սոֆիա տաճար, Բոսֆորի նեղուց, Դոլմաբահչե և Թոփքափըի սուլթանական պալատներ, Թաքսիմի հրապարակ և Մեծ շուկա, Պոլսո Հայոց պատրիարքարան և այլ գեղեցիկ վայրեր: ԵՐԵՎԱՆԻՑ ՈԻՂԻՂ չվերթ, հայկական խմբով, թուրքագետ գիդի ուղեկցությամբ:

6 հոկտ. 2019 
 Հավաքվում է 
Տուրեր դեպի Երուսաղեմ, Եվրոպա, Կ.Պոլիս-Ստամբուլ 
  • Արժեքը ներառում է
    ա) Երևանից ուղիղ չվերթ,
    բ) գիշերակաց 4+* բարձրակարգ հյուրանոցներում,
    գ) համեղ ուտեստների տեսականիով նախաճաշ և ընթրիք,
    դ) բոլոր էքսկուրսիաները տեսարժան վայրերում ըստ ծրագրի,
    ե) փորձառու, կիրթ և գիտակ (!) թուրքագետ գիդի ուղեկցություն Երևանից ամբողջ տուրի ընթացքում,
    զ) բոլոր տրանսֆերները նոր հարմարավետ տրանսպորտով,
    է) բժշկական ապահովագրություն:
  • Հյուրանոցներ
    Ստամբուլ 4*

Ուղևորության ծրագիր.

Օր1

Երևանից ուղիղ չվերթով մեկնում ենք Կոստանդնուպոլիս-Ստամբուլ։ Մոտ երկու ժամ տևող թռիչքից հետո վայրէջք ենք կատարում Ստամբուլի օդանավակայանում: Հյուրանոց տեղավորվելուց և մի փոքր հանգստանալուց հետո սկսում ենք Կ.Պոլսի հետ մեր ծանոթությունը հռչակավոր Դոլմաբահչե պալատից: Պալատի ճարտարապետը հայազգի տաղանդաշատ Պալյանների ընտանիքի վաղ ներկայացուցիչներից մեկն է՝ Կարապետ Պալյանը: Իր շքեղությամբ աչքի ընկնող պալատում ի թիվս այլ բազմաթիվ հարստությունների, գտնվում են նաև Այվազովսկու՝ Պոլիսը պատկերող աննման կտավները։
Օր2

Օրը սկսում ենք Պոլսում զբոսնելով։ Նախ կքայլենք դեպի քաղաքի համեմատաբար նոր կենտրոն՝ հայտնի Թաքսիմ հրապարակ: Ապա կշարունակենք զբոսանքը Իսթիքլալ պողոտայով՝ զմայլվելով քաղաքի ինչպես նոր կառուցված նորաոճ, այնպես էլ ավելի վաղ կառուցված պատմական շենքերով: Կայցելենք հարևանությամբ գտնվող շքեղ Երեք Խորան հայկական գործող եկեղեցի: Հնարավորություն կունենանք այցելելու նաև հայազգի հռչակավոր լուսանկարիչ Արա Գյուլերի սրճարան՝ վայելելով ոչ միայն սրճարանի հայտնի հնդկական թեյը, այլ նաև լուսանկարչի՝ Պոլսո կյանքը պատկերող յուրօրինակ լուսանկարները:
Օր3

Նախաճաշից հետո կայցելենք Պոլսի այցեքարտը դարձած դարերով կանգուն հռչակավոր Սուրբ Սոֆիա տաճար, որը երբեմնի հզոր Բյուզանդական կայսրության հոգևոր կենտրոնն էր: Ապա կայցելենք աշխարհում ամենամեծ պալատ-թանգարաններից մեկը համարվող Օսմանյան սուլթանների հիասքանչ Թոփքափը պալատ, որտեղ կարելի է տեսնել նաև Բյուզանդական ճարտաապետության հետքերը: Օրվա մյուս մասը կանցնկացնենք ժամանակին աշխարհի ամենամեծ՝ Արևելքի և Արևմուտքի խաչմերուկում գտնվող և բազմազան ապրանքներով լի Մեծ շուկա՝ Քափալը Չարշը:
Օր4

Առավոտյան զբոսանավով երկու ժամ կնավարկենք Եվրոպան Ասիայից բաժանող հայտնի Բոսֆորի նեղուցով՝ հնարավորություն ունենալով տեսնելու Եվրոպա և Ասիա աշխարհամասերը միաժամանակ: Նավով զբոսանքի ընթացքում մեր առջև բացվելու է քաղաքի եվրոպական և ասիական ափերին նաև հայ ճարտարապետների կառուցված պատմական շքեղ շինությունները: Նավով զբոսանքից հետո ըստ ցանկության կարող ենք այցելել թանգարաններ, օրինակ՝ Խճանկարների (մոզայկաներ) թանգարան կամ Հնագիտական թանգարան, ուր ցուցադրված են Հայկական լեռնաշխարհից, Միջագետքից ու Փոքր Ասիայից գտնված բազմաթիվ հետաքրքիր ցուցանմուշներ: Կամ, օրինակ, կարող եք բարձրանալ Գալաթայի աշտատակ (Հիսուսի աշտատակ), որտեղից բացվում է աննկարագրելի տեսարան դեպի Մարմարա ծով, Բոսֆորի նեղուց և Ոսկեղջյուրի ծոց: Օրվա մյուս հատվածը ձեր տրամադրության տակ է:
Օր5

Նախաճաշից հետո այցելություն Ստամբուլի ամենամեծ ժամանակակից առևտրային կենտրոններից մեկը՝ "Ֆորում": Ցանկացողները կարող են այցելել նաև քաղաքի ամենաշատ այցելուներ ունեցող վայրերից մեկը՝ մոտ 100 հա տարածք զբաղեցնող և 15000 ցամաքային և ծովային կենդանատեսակներ ունեցող ակվիարում կամ Մադամ Թյուսոյի մոմե արձանների հայտնի թանգարան։ Կարելի է տեսել նաև դեռևս IVդ. հույների կողմից կառուցած ստորգետնյա ջրամբարը՝ Ցիստեռնա Բազիլիկան, որը գրեթե փոփոխության չի ենթարկվել դարերի ընթացքում: Կամ կարող եք պարզապես անշտապ շրջել Պոլսի թաղերում, որտեղ ամեն քայլափոխի կարելի զգալ հայկական, հունական, բյուզանդական կամ օսմանյան մշակույթի շունչը:
Օր6

Առավոտյան զբոսանավով ուղևորվում ենք Իշխանաց կղզիներ, որտեղ դեռևս Բյուզանդական կայսրության ժամանակ բնակվելիս են եղել արքայազներն ու կայսեր մտերիմները: Այժմ Իշխանաց կղզիները համարվում են Պոլսի մեծահարուստների բնակատեղի, որտեղ շատ են նաև ազգությամբ հայերը: Ցանկացողները կարող են կառքերով զբոսնել կղզու նեղլիկ փողոցներով՝ վայելելով ծովի և բնության ապշեցնող տեսարաններն ու ամառանոցային բնակարանների յուրօրինակ ճարտարապետությունը:
Օր7

Վերջին օրը կայցելենք XVդ. գործող Պոլսո Հայոց պատրիարքարան, ինչպես նաև գործող հայկական եկեղեցներից երկուսը՝ Սուրբ Աստվածածին և Որդոց Որոտման եկեղեցիներ, որոնց կառուցման և վերականգնման աշխատանքներն իրականացրել է հռչակավոր ճարտարապետ Կարապետ Պալյանը: Կտեսնենք նաև Ս. Աստվածածին եկեղեցու հարևանությամբ է գտնվող Պեզճեան վարժարանի պատմական շենքը: Օրվա մյուս հատվածը՝ մինչև երեկո, ձեր տրամադրության տակ է: Երեկոյան կմեկնենք օդանավակայան և կվերադառնանք Երևան՝ մեզ հետ բերելով վառ հիշողություններ գունագեղ Ստամբուլից։

Չվացուցակ

ՍկիզբԱվարտԳինՍտատուս
6 հոկտ. 201912 հոկտ. 2019315'000 դրամ 291'000 դրամՀավաքվում է
28 հոկտ. 20193 նոյ. 2019315'000 դրամ 291'000 դրամՀավաքվում է
10 նոյ. 201916 նոյ. 2019315'000 դրամ 291'000 դրամ
29 նոյ. 20195 դեկտ. 2019315'000 դրամ 291'000 դրամ

Տուրի երթուղի


Մեծացնել տուրի քարտեզը


Մեզ հետ ճանապարհորդած մարդկանց կարծիքը















Բոլոր իրավունքները պահպանված են: © 2008-2019 “Նարեկավանք Տուր” ("Էն-Վի Տուր" ՍՊԸ):
Վեբ կայքի ամբողջ բովանդակությունը` այդ թվում ապրանքային նշանը, դիզայնը, տեքստը, գրաֆիկական պատկերները, լուսանկարները և այլն, “Նարեկավանք Տուր” հեղինակային իրավունքն են:
Բովանդակության որևէ մաս չի կարող վերարտադրվել որևէ կերպ և որևէ միջոցով` էլեկտրոնային կամ այլ, առանց “Նարեկավանք Տուր”-ի նախնական գրավոր թույլտվության: