Երևանից ինքնաթիռով կմեկնենք Կոստանդնուպոլիս-Ստամբուլ: Օդանավակայանից կշարժվենք դեպի հյուրանոց: Մի փոքր հանգստանալուց հետո կսկսենք քաղաքի հետ մեր ծանոթությունը Կ.Պոլսի Հայոց պատիրարքարան այցելությամբ: Դեռևս 15-րդ դարից գործող Պատրիարքարանի շենքին կից է գտնվում Սուրբ Աստվածածին աթոռանիստ եկեղեցին: Եկեցեցում պտույտից հետո կշարժվենք հայտնի հայ ճարտարապետ Գրիգոր Ամիրա Պալյանի կառուցած Որդոց Որոտման եկեղեցի: Ապա կտեսնենք Պեզճյան հայկական վարժարանի շենքը, որը գործում է 18-րդ դարից: Ճաշելուց հետո կունենանք ազատ ժամանակ:

Առավոտյան հյուրանոցում նախաճաշից հետո կգնանք հիանալու Սուրբ Սոֆիայի տաճարով. 6-րդ դարում կառուցված քրիստոնեական եկեղեցին եղել է Կ.Պոլսի Տիեզերական պատրիարքի նստավայրը և աշխարհի ամենամեծ տաճարներից մեկը: Պտույտից հետո կքայլենք հարևանությամբ գտնվող Կապույտ մզկիթ: Քաղաքի ամենամեծ մզկիթը, որ տեղացիները կոչում են նաև Սուլթանահմեդ մզկիթ, կառուցվել է ճարտարապետ Միմար Սինանի կողմից 17-րդ դարում: Ճաշելուց հետո կունենանք ազատ ժամանակ,որը կարող եք տնօրինել ըստ ցանկության:

Նախաճաշից հետո միասին կշարժվենք դեպի Եգիպտական շուկան՝ հիանալու Արևելքի գույներով և արևելյան կոլորիտով: Ապա միասին կնավարկենք Եվրոպան Ասիայից բաժանող Բոսֆորի նեղուցով: Կհասնենք Իշխանաց կղզիներից հայաշատ Քընալը կղզի: Ժամանակին այն եղել է բյուզանդական արքաների աքսորավայր: Կղզում ի թիվս այլ հայկական հետքերի՝ կտեսնենք նաև Սուրբ Գրիգոր Լուսավորիչ եկեղեցին և Հրանտ Դինքի այգին: Կվերադառնանք հյուրանոց, կճաշենք և կունենանք ազատ ժամանակ:

Նախաճաշից հետո կայցելենք Օսմանյան կայսրությունում հռչակ վայելող հայազգի ճարտարապետներ Պալյանների կողմից կառուցված Դոլմաբահչեի պալատ: Պալատը 19-րդ դարում եղել է աշխարհում ամենագեղեցիկներից մեկը: Ի թիվս այլ հարստությունների, այստեղ է պահպանվում նաև Հովհ. Այվազովսու՝ Պոլիսը պատկերող աննման կտավները։ Պտույտից հետո կգնանք տեսնելու քաղաքի սիրտը համարվող մարդաշատ Թաքսիմի հրապարակն ու Իսթիքլալ պողոտան: Պտույտի ընթացքում կտեսնենք ինչպես նոր կառուցված նորաոճ, այնպես էլ ավելի վաղ կառուցված պատմական շենքեր: Կայցելենք հարևանությամբ գտնվող շքեղ Երեք Խորան հայկական գործող եկեղեցի: Ցանկության դեպքում կարող ենք սրճել հայազգի հռչակավոր լուսանկարիչ Արա Գյուլերի սրճարանում։ Կճաշենք, ապա կունենանք ազատ ժամանակ վայելելու երեկոյան քաղաքի գեղեցկությունը:

Նախաճաշից հետո կունենանք ազատ օր, որը կարող եք տնօրինել ըստ ցանկության: Լրավճարով՝ ցանկացողները կարող են այցելել 15՛000 ցամաքային և ծովային կենդանատեսակներ ունեցող ՛՛Ստամբուլ Ակվարիում՛՛ կամ Մադամ Թյուսոյի մոմե արձանների հայտնի թանգարան։ Կարելի է գնալ տեսելու նաև դեռևս IV դ. հույների կողմից կառուցած ստորգետնյա ջրամբարը՝ Ցիստեռնա Բազիլիկան, որը գրեթե փոփոխության չի ենթարկվել դարերի ընթացքում: Երեկոյան կարող եք պարզապես անշտապ շրջել Պոլսի թաղերում, որտեղ ամեն քայլափոխի կարելի զգալ հայկական, հունական, բյուզանդական կամ օսմանյան մշակույթի շունչը:

Նախաճաշից հետո կունենանք ազատ ժամանակ և հնարավորություն վերջին օրը ևս տեսնելու Պոլսի հայտնի ու անհայտ վայերը, հիանալ Մարմարա ծովի գեղեցկությամբ կամ պարզապես այս օրը նվիրել գնումներին: Ապա կմեկնենք օդանավակայան և կվերադառնանք Երևան: